ഡൽഹി സർക്കാറിലെ ഒമ്പത് ഉപദേശകരെ കേന്ദ്രം പുറത്താക്കി

ന്യൂഡൽഹി: ഡൽഹിയിലെ ആം ആദ്മി പാർട്ടി സർക്കാരിന്റെ ഒമ്പത് ഉപദേശകരുടെ നിയമനം കേന്ദ്ര ആഭ്യന്തര മന്ത്രാലയം റദ്ദാക്കി.  ധനകാര്യ മന്ത്രാലയം ഈ തസ്തികകൾ അനുവദിച്ചിരുന്നില്ല എന്ന കാരണം ചൂണ്ടിക്കാട്ടിയാണ് നടപടി. 

ഉപമുഖ്യമന്ത്രി മനീഷ് സിസോദിയയുടെ ഉപദേഷ്ടാവ് അതിഷി മാർലേനയടക്കമുള്ളവരുടെ നിയമനമാണ് തടഞ്ഞത്. സ്കൂളുകളിൽ വിദ്യാഭ്യാസ നിലവാരം മെച്ചപ്പെടുത്താൻ സഹായിക്കുന്നതിന് വെറും ഒരു രൂപ ശമ്പളത്തിൽ നിയമിക്കപ്പെട്ടെന്നാണ് ആം ആദ്മിയുടെ വിശദീകരണം.