നിലവാരമില്ല; 800 എൻജിനിയറിങ്​ കോളജുകൾ പൂട്ടുന്നു

ബംഗളൂരു: വിദ്യാർഥികളില്ലാത്തതും നിലവാരമില്ലാത്തതും മൂലം രാജ്യത്തെ 800 എൻജിനിയറിങ്​ കോളജുകൾ പൂട്ടാൻ എ.​െഎ.സി.ടി.ഇ നിർദേശം. ചെയർമാൻ അനിൽ ദത്താത്രേയ സഹസ്രാബുദി​ ടൈംസ്​ ഒാഫ്​ ഇന്ത്യക്ക്​ നൽകിയ അഭിമുഖത്തിലാണ്​ ഇതുസംബന്ധിച്ച വിവരം അറിയിച്ചത്​​.

എ.​െഎ.സി.ടിയുടെ ശക്​തമായ നിയമങ്ങൾ മൂലം 150 കോളജുകൾ പ്രതിവർഷം ഇന്ത്യയിൽ പൂട്ടുന്നുണ്ട്​. പുതിയ നിയമമനുസരിച്ച്​ ആവശ്യമായ സൗകര്യങ്ങളില്ലാത്തതും ആകെ സീറ്റുകളിൽ കഴിഞ്ഞ അഞ്ച്​ വർഷമായി 30 ശതമാനത്തിൽ താഴെ മാത്രം അഡ്​മിഷൻ നടക്കുന്നതുമായ കോളജുകളുമാണ്​ പൂട്ടുന്നതെന്ന്​ ചെയർമാൻ അറിയിച്ചു.

2014 മുതൽ 2018 വരെയുള്ള കാലയളവിൽ 450 കോളജുകൾ പൂട്ടാനാണ്​ എ.​െഎ.സി.ടി.ഇ നിർദേശം നൽകിയിരിക്കുന്നത്​. ഇതിൽ 20 കോളജുകളും കർണാടകയിലാണ്​. തെലുങ്കാന, ഉത്തർപ്രദേശ്​, മഹാരാഷ്​ട്ര, ആന്ധ്രപ്രദേശ്​, രാജസ്ഥാൻ, തമിഴ്​നാട്​ എന്നിവടങ്ങളിലും കോളജുകൾ പൂട്ടാൻ എ.​െഎ.സി.ടി.ഇ നിർദേശമുണ്ട്​.