കണക്കിന്​ ഉത്തരം കണ്ടെത്തിയില്ല; വടി കുത്തിയിറക്കി രണ്ടാം ക്ലാസുകാര​െൻറ ശ്വാസനാളം തകർത്തു

അഹമ്മദ്​ നഗർ​: എട്ടുവയസുകാര​​​െൻറ കഴുത്തിൽ അധ്യാപകൻ വടി കൊണ്ട്​ കുത്തിയതിനെ തുടർന്ന്​ കുട്ടിയുടെ ശ്വാസനാളവും അന്നനാളവും തകർന്നു. കണക്ക്​ ചോദ്യത്തിന്​​ ഉത്തരം കണ്ടെത്താൻ കഴിയാതിരുന്നതിനാണ്​ അധ്യാപകൻ കുട്ടിക്ക്​ ശിക്ഷ നൽകിയത്​. ​മഹാരാഷ്​ട്രയിലെ പിംപാൽഗണിലാണ്​ സംഭവം. കുഞ്ഞിന്​ സംസാര ശേഷിയും നഷ്​ടപ്പെട്ടു. 

ക്ലാസിൽ വെച്ച്​ വേദനകൊണ്ട്​ പുളഞ്ഞ കുഞ്ഞ്​ ചുമച്ച്​ ചോരതുപ്പുകയും തൊണ്ടയിൽ നിന്ന്​ ​രക്​തമൊലിക്കുകയും ചെയ്​തതോടെ സഹപാഠികൾ കരഞ്ഞ്​ ബഹളം വെച്ചു. തുടർന്ന്​ സ്​കൂൾ അധികൃതർ കുഞ്ഞിനെ ആശുപത്രിയിലെത്തിക്കുകയായിരുന്നു. ആശുപത്രിയിൽ തീവ്രപരിചരണ വിഭാഗത്തിൽ കഴിയുന്ന കുഞ്ഞ്​ ഗുരുതരാവസ്​ഥയിൽ തുടരുകയാണെന്ന്​ ഡോക്​ടർമാർ അറിയിച്ചു. 

കുഞ്ഞിനെ ​ദ്രോഹിച്ചതിന്​ പ്രതിക്കെതിരെ കുറ്റംചുമത്തിയിട്ടുണ്ടെങ്കിലും ഇതുവരെ അറസ്​റ്റ്​ ചെയ്​തിട്ടില്ല.