നാഗപട്ടണത്ത്​ കെട്ടിടം തകർന്ന്​​ എട്ടുപേർ മരിച്ചു

കോ​യ​മ്പ​ത്തൂ​ർ: നാ​ഗ​പ​ട്ട​ണ​ത്തി​ന്​ സ​മീ​പം പൊ​ര​യാ​ർ പു​തി​യ ബ​സ്​​സ്​​റ്റാ​ൻ​ഡി​നോ​ട്​ ചേ​ർ​ന്ന വ​ർ​ക്​​ഷോ​പ്​​ കെ​ട്ടി​ടം ത​ക​ർ​ന്നു​വീ​ണ്​ എ​ട്ട്​ ത​മി​ഴ്​​നാ​ട്​ ട്രാ​ൻ​സ്​​പോ​ർ​ട്ട്​ കോ​ർ​പ​റേ​ഷ​ൻ ജീ​വ​ന​ക്കാ​ർ മ​രി​ച്ചു. ഇ​തി​ൽ ഏ​ഴു​പേ​ർ ബ​സ്​ ഡ്രൈ​വ​ർ​മാ​രും ഒ​രാ​ൾ ക​ണ്ട​ക്​​ട​റു​മാ​ണ്. 17 പേ​ർ​ക്ക്​ പ​രി​ക്കേ​റ്റു. 

മൂ​ന്നു​പേ​രു​ടെ പ​രി​ക്ക്​ ഗു​രു​ത​ര​മാ​ണ്. ഡ്രൈ​വ​ർ​മാ​രാ​യ നാ​ഗ​പ​ട്ട​ണം സെ​മ്മ​ണാ​ർ​കോ​വി​ൽ കാ​ള​ഹ​സ്​​തി​നാ​പു​രം പ്ര​ഭാ​ക​ര​ൻ (52), ബാ​ലു (49), കീ​ഴ​യൂ​ർ ച​ന്ദ്ര​ശേ​ഖ​ർ (35), കീ​ഴ്​​പെ​രു​മ്പ​ള്ളം മു​നി​യ​പ്പ​ൻ (42), തി​രു​വാ​രൂ​ർ തി​രു​കു​വ​ളൈ അ​ൻ​പ​ര​ശ​ൻ (39), കാ​ര​ക്കാ​ൽ ധ​ന​പാ​ൽ (48), വ​ട​ക്ക​ട്ട​ളൈ മ​ണി​വ​ണ്ണ​ൻ (50), ക​ണ്ട​ക്​​ട​റാ​യ മേ​ല​യൂ​ർ രാ​മ​ലിം​ഗം (55) എ​ന്നി​വ​രാ​ണ്​ മ​രി​ച്ച​ത്. ബ​സ്​​സ്​​​റ്റാ​ൻ​ഡി​നോ​ട്​ ചേ​ർ​ന്ന ത​മി​ഴ്​​നാ​ട്​ ട്രാ​ൻ​സ്​​പോ​ർ​ട്ട്​ കോ​ർ​പ​റേ​ഷ​​െൻറ അ​ധീ​ന​ത​യി​ലു​ള്ള ഇ​രു​നി​ല കെ​ട്ടി​ട​ത്തി​ലാ​ണ്​ പ​തി​വാ​യി ജീ​വ​ന​ക്കാ​ർ വി​ശ്ര​മി​ച്ചി​രു​ന്ന​ത്. വ്യാ​ഴാ​ഴ്​​ച രാ​ത്രി ഡി​പ്പോ മെ​ക്കാ​നി​ക്കു​ക​ളും മ​റ്റു​മാ​യി 17 പേ​ർ ഒ​ന്നാം നി​ല​യി​ലും മ​രി​ച്ച എ​ട്ടു​പേ​ർ താ​ഴ​ത്തെ നി​ല​യി​ലും കി​ട​ന്നു​റ​ങ്ങു​ക​യാ​യി​രു​ന്നു. പു​ല​ർ​ച്ച മൂ​ന്നേ​കാ​ലി​ന്​ കെ​ട്ടി​ട​ത്തി​​െൻറ മേ​ൽ​ക്കൂ​ര  ത​ക​ർ​ന്നു​വീ​ഴു​ക​യാ​യി​രു​ന്നു. 

കെ​ട്ടി​ടാ​വ​ശി​ഷ്​​ട​ങ്ങ​ൾ​ക്കി​ട​യി​ൽ കു​ടു​ങ്ങി​യാ​ണ്​  എ​ട്ടു​ജീ​വ​ന​ക്കാ​രും മ​രി​ച്ച​ത്. ഒ​ന്നാം​നി​ല​യി​ൽ ഉ​ണ്ടാ​യി​രു​ന്ന 17 പേ​ർ പ​രി​ക്കു​ക​ളോ​ടെ ര​ക്ഷ​പ്പെ​ട്ടു. പൊ​ലീ​സും ഫ​യ​ർ​ഫോ​ഴ്​​സും ചേ​ർ​ന്ന്​ മ​ണ്ണു​മാ​ന്തി​യ​ന്ത്ര​ങ്ങ​ളു​പ​യോ​ഗി​ച്ച്​ കെ​ട്ടി​ടാ​വ​ശി​ഷ്​​ട​ങ്ങ​ൾ നീ​ക്കി​യാ​ണ്​ മൃ​ത​ദേ​ഹ​ങ്ങ​ൾ പു​റ​ത്തെ​ടു​ത്ത​ത്.