ജലസേചന അഴിമതി കേസുകളിൽ അജിത് പവാറിന്​ ക്ലീൻ ചിറ്റ്​

മുംബൈ: ബി.ജെ.പി പാളയത്തിലെത്തി 48 മണിക്കൂറിനകം ‘അഴിമതിക്കാരൻ​’ അത്തരക്കാരനല്ലെന്ന്​ സർക്കാറി​​​െൻറ നല്ല സർട് ടിഫിക്കറ്റ്​. മഹാരാഷ്​ട്ര സര്‍ക്കാറില്‍ ഉപമുഖ്യമന്ത്രിയായി അധികാരമേറ്റ എൻ.സി.പി നേതാവ്​ അജിത് പവാറിനാണ്​ 70,000 കോടിയുടെ ജലസേചന അഴിമതി കേസുകളിൽ ചിലതിൽ ക്ലീന്‍ചിറ്റ്​ സ്വന്തമായത്​.

3,000 ജലസേചന പദ്ധതികളിലെ അഴിമതിയാണ്​ അന ്വേഷിക്കുന്നത്​. ഇതിൽ വിദർഭയിലെ ഒമ്പത്​ പദ്ധതികളിലാണ്​ അജിത്തിനെ കുറ്റമുക്തനാക്കിയത്​​​. ഉപമുഖ്യമന്ത്രിയായ ി സത്യപ്രതിജ്ഞ ചെയ്ത് 48 മണിക്കൂറിനകമാണ് കേസുകളിൽ മുംബൈ പൊലീസി‍​​െൻറ അഴിമതി വിരുദ്ധ സെല്‍ (എ.സി.ബി) അജിത്തിനെ പ രിശുദ്ധനാക്കി അന്വേഷണം അവസാനിപ്പിച്ചത്. എന്നാൽ, ശേഷിച്ച പദ്ധതികളിലെ അഴിമതികളിൽ തുടരന്വേഷണം നടക്കുമെന്ന്​ എ.സി.ബി വൃത്തങ്ങൾ പറഞ്ഞു.

2009 മുതല്‍ 2014 വരെയുള്ള കോണ്‍ഗ്രസ്-എന്‍.സി.പി സഖ്യ സര്‍ക്കാര്‍ ഭരണകാലത്ത്​ അഴിമതി നടത്തിയതായാണ് ആരോപണം. ഈ കാലഘട്ടങ്ങളില്‍ എന്‍.സി.പിയുടെ അജിത് പവാറും സുനില്‍ തട്കരെയുമായിരുന്നു ജലസേചന മന്ത്രിമാര്‍.

2014ല്‍ ദേവേന്ദ്ര ഫഡ്നാവിസി‍​​െൻറ നേതൃത്വത്തില്‍ ബി.ജെ.പി സര്‍ക്കാര്‍ അധികാരമേറ്റതിനു ശേഷമാണ് അജിത്തിനും തട്കരെക്കും എതിരെ പൊലീസ് കേസെടുത്തത്. തെരഞ്ഞെടുപ്പുകളിൽ ബി.ജെ.പി ഇത് ആയുധമാക്കുകയും അജിത്തിനെ ജയിലിലടക്കുമെന്ന് അവകാശപ്പെടുകയും ചെയ്തിരുന്നു.

അവസാനിപ്പിച്ചത്​ അജിത്​ പവാറിന്​ എതിരായ കേസല്ലെന്ന്​ എ.സി.ബി മേധാവി
മുംബൈ: അജിത്​ പവാറിന്​ എതിരായ ജലസേചന കേസുകൾ അവസാനിപ്പിച്ചിട്ടില്ലെന്ന്​ മുംബൈ പൊലീസി‍​െൻറ അഴിമതിവിരുദ്ധ സെൽ (എ.സി.ബി) മേധാവി പരമ്പീർ സിങ്​. ജലസേചന അഴിമതിയുമായി ബന്ധപ്പെട്ട്​ ഇതുവരെ 24 കേസുകളാണ്​ രജിസ്​റ്റർ ചെയ്​തതെന്നും അതിൽ അഞ്ച്​ കേസിൽ കുറ്റപത്രം സമർപ്പിച്ചതായും അദ്ദേഹം പറഞ്ഞു. ഇൗ കേസുകൾ ഒന്നും തന്നെ അവസാനിപ്പിച്ചിട്ടില്ല.

ഉദ്യോഗസ്​ഥർ അഴിമതി നടത്തിയിട്ടില്ലെന്ന്​ വ്യക്​തമായ ഒമ്പത്​ അന്വേഷണങ്ങളാണ്​ അവസാനിപ്പിച്ചത്​. അന്വേഷണം അവസാനിപ്പിക്കാൻ നാലുമാസം മുമ്പാണ്​ ഉദ്യോഗസ്​ഥർ ശിപാർശ ചെയ്​തതെന്നും അജിത്​ പവാറുമായി ഇതിന്​ ബന്ധമില്ലെന്നും പരമ്പീർ സിങ്​ പറഞ്ഞു.