രാജ്യത്ത് 24 മണിക്കൂറിനുള്ളിൽ 194 കോവിഡ് മരണം
text_fields
ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനുള്ളിൽ 6566ൽപരം ആളുകൾക്ക് കോവിഡ് സ്ഥിരീകരിച്ചു. 194 പേർ മരണത്തിന് കീഴടങ്ങി. ആകെ കോവിഡ് സ്ഥിരീകരിച്ചവരുടെ എണ്ണം 1,58,333 ആയതായും കേന്ദ്ര ആരോഗ്യ കുടുംബക്ഷേമ മന്ത്രാലയം വ്യക്തമാക്കി.
86,110 പേർ കോവിഡ് ബാധിച്ച് ചികിത്സയിലാണ്. 67,692 പേർ രോഗമുക്തരായി. ഒരാൾ രാജ്യം വിട്ടു. ഇതുവരെ 4,531 പേർ രാജ്യത്ത് കോവിഡ് ബാധിച്ച് മരിച്ചു. ഇന്ത്യയിൽ മഹാരാഷ്ട്രയാണ് കോവിഡ് ഏറ്റവും രൂക്ഷമായി ബാധിച്ച സംസ്ഥാനം. 56,948 പേരാണ് ഇവിടെ കോവിഡ് ബാധിതരായത്. രാജ്യത്തെ ആകെ കോവിഡ് ബാധിതരുടെ മൂന്നിലൊന്ന് മഹാരാഷ്ട്രയിലാണ്.
മഹാരാഷ്ട്രയിൽ പ്രതിദിനം സ്ഥിരീകരിക്കുന്ന കോവിഡ് ബാധിതരുടെ എണ്ണം കുറയുമ്പോഴും മരണസംഖ്യ കൂടുകയാണ്. ദിനേന മരിക്കുന്നവരുടെ എണ്ണം ബുധനാഴ്ച നൂറ് കടന്നു. 105 പേരാണ് മരിച്ചത്. തമിഴ്നാട്ടിൽ 18,545പേർക്ക് രോഗം ബാധിച്ചു. ഗുജറാത്തിൽ 15,195 പേരും ഡൽഹിയിൽ 15,257 പേരും രോഗബാധിതരാണെന്ന് ആരോഗ്യ മന്ത്രാലയത്തിെൻറ കണക്കിൽ പറയുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
