ഇന്ത്യയിൽ കോവിഡ്​ പിടികൂടുന്നത്​  കൂടുതലും പുരുഷൻമാരെ

ന്യൂഡൽഹി: ഇന്ത്യയിൽ കോവിഡ്​ ബാധിച്ച്​ മരിച്ചവരിൽ 65 ശതമാനവും പുരുഷൻമാർ. കേന്ദ്ര ആരോഗ്യ മന്ത്രാലയമാണ്​ ഇതുസംബന്ധിച്ച കണക്ക്​ പുറത്തുവിട്ടത്​. 60 വയസിൽ താഴെയുള്ള പുരുഷൻമാരാണ്​ മരണത്തിന്​ കീഴടങ്ങിയത്​. പുരുഷൻമാരെ അപേക്ഷിച്ച്​ നോക്കു​േമ്പാൾ സ്​ത്രീകളുടെ മരണനിരക്ക്​ കുറവാണ്​​.

ഏപ്രിൽ 30 വരെയുള്ള കണക്കുപ്രകാരം രാജ്യത്താകെ 1074 പേരാണ്​ കോവിഡ്​ മൂലം മരിച്ചത്​. കോവിഡ്​ ഏറ്റവും കൂടുതൽ ബാധിക്കുന്നത്​ പുരുഷൻമാരെയാണെന്ന്​ അമേരിക്കൻ ജേണലിലും പഠനറിപ്പോർട്ട്​ വന്നിരുന്നു. ന്യൂയോർക്​ സിറ്റിയിലെ 12 ആശുപത്രികളിൽ ചികിത്സയിലുള്ള 5700 കോവിഡ്​ രോഗികളിൽ 60 ശതമാനവും പുരുഷൻമാരാണെന്നാണ്​ ഏപ്രിൽ 22നു പുറത്തുവിട്ട റിപ്പോർട്ടിൽ പറയുന്നത്​. അതിൽ തന്നെ 373 പേർ തീവ്രപരിചരണവിഭാഗത്തിലാണ്​. അക്കൂട്ടത്തിലും 66.5 ശതമാനവും പുരുഷൻമാരാണത്രെ.

ഉയർന്ന രക്​തസമ്മർദ്ദം, പൊണ്ണത്തടി, പ്രമേയം എന്നീ രോഗങ്ങളുള്ളവരിലാണ്​​ കോവിഡ്​ കൂടുതൽ സങ്കീർണമാകുന്നത്​​. ഇന്ത്യയിൽ പ്രായമുള്ളവരിലും പ്രമേഹം, ഉയർന്ന രക്​തസമ്മർദ്ദം, വൃക്ക-ഹൃദയ സംബന്ധമായ രോഗങ്ങൾ ഉള്ളവരിലും കോവിഡ്​ ഗുരുതരമായി ബാധിക്കുന്നുവെന്നാണ്​ റിപ്പോർട്ട്​. മരിച്ചവരിൽ 78 ശതമാനത്തോളവും ഇതിലേതെങ്കിലും രോഗങ്ങൾ ഉള്ളവരാണ്​. അതിൽ തന്നെ 51.2 ശതമാനം 60 വയസിനു മുകളിലുള്ളവരുമാണ്​. 42 ശതമാനം 60നും 75നുമിടെ പ്രായമുള്ളവരാണ്​. 9.2 ശതമാനം മാത്രമാണ്​ 75 വയസിനു മുകളിലുള്ളവർ.