Top
Begin typing your search above and press return to search.
keyboard_arrow_down
Login
exit_to_app
exit_to_app
മേയ്​ വരെ 64 ലക്ഷംപേർക്ക്​ രാജ്യത്ത്​ കോവിഡ്​ ബാധിച്ചിരിക്കാം​ -ഐ.സി.എം.ആർ
cancel
Homechevron_rightNewschevron_rightIndiachevron_rightമേയ്​ വരെ 64...

മേയ്​ വരെ 64 ലക്ഷംപേർക്ക്​ രാജ്യത്ത്​ കോവിഡ്​ ബാധിച്ചിരിക്കാം​ -ഐ.സി.എം.ആർ

text_fields
bookmark_border

ന്യൂഡൽഹി: മേയ്​ വരെ 64 ലക്ഷംപേർക്ക്​ രാജ്യത്ത്​ കോവിഡ്​ ബാധിച്ചിരിക്കാമെന്ന്​ ഇന്ത്യൻ കൗൺസിൽ ഒാഫ്​ മെഡിക്കൽ റിസർച്ച് (ഐ.സി.എം.ആർ)​. ​ഇത്​ രാജ്യത്തെ ജനസംഖ്യയുടെ 0.73 ശതമാനം മാത്രമാണെന്നും പറയുന്നു. ഐ.സി.എം.ആർ ആദ്യമായി നടത്തിയ സീറോ സർവേയിലാണ്​ ഇക്കാര്യം വ്യക്തമാക്കുന്നത്​.

18നും 45നും ഇടയിൽ പ്രായമുള്ള 43.3 ശതമാനം പേരുടെയും 46നും 60 നും ഇടയിലെ 39.5 ശതമാനം പേരുടെയും ശരീരത്തിൽ ആൻറിബോഡി കണ്ടെത്തിയതായും സർവേയിൽ പറയുന്നു. രാജ്യത്തെ വിവിധ ജില്ലകളിൽ നിന്നായി തെര​ഞ്ഞെടുത്ത 28,000 സാമ്പിളുകളാണ്​ പരിശോധിച്ചത്​.

മേയ്​ 11 മുതൽ ജൂൺ നാലുവരെയാണ്​ സർവേ സംഘടിപ്പിച്ചത്​. 21 സംസ്​ഥാനങ്ങളിലെ 70 ജില്ലകളിലാണ്​ സർവേ നടത്തിയത്​. സർവേയിൽ പ​ങ്കെടുത്തവരിൽ 51.5 ശതമാനം ​സ്​ത്രീകളാണ്​. മേയിലെ കണക്കുകൾ പ്രകാരം ഇന്ത്യ കോവിഡ്​ വ്യാപനത്തിൻെറ പ്രാരംഭ ഘട്ടത്തിലാണെന്നും കണക്കുകൾ പറയുന്നു.

രാജ്യത്ത്​ കഴിഞ്ഞ 24 മണിക്കൂറിനിടെ 96,551 പേർക്കാണ്​ കോവിഡ്​ സ്​ഥിരീകരിച്ചത്​. ഇതോടെ കോവിഡ്​ ബാധിതരുടെ എണ്ണം 45 ലക്ഷം കടന്നു. പുതുതായി 1209 കോവിഡ്​ മരണങ്ങളും റിപ്പോർട്ട്​ ചെയ്​തു. ഇതോടെ 76721 പേർ രാജ്യത്ത്​ കോവിഡ്​ ബാധിച്ച്​ മരിച്ചു. 9,43,480 പേരാണ്​ ചികിത്സയിലുള്ളത്​.

Show Full Article
TAGS:Covid 19 Corona virus ICMR sero survey ICMR 
Web Title - 6.4 million were likely Covid 19 infected around May ICMR sero survey
Next Story