എയർ വിസ്​താര ജീവനക്കാരിയെ പീഡിപ്പിക്കാൻ ശ്രമിച്ച ബിസിനസുകാരൻ അറസ്​റ്റിൽ 

ന്യൂഡൽഹി: എയർ വിസ്​താരയുടെ ജീവനക്കാരി നൽകിയ ലൈംഗിക പീഡന പരാതിയിൽ 62കാരനായ ബിസിനസുകാരനെ അറസ്​റ്റ്​ ചെയ്​തു.  ബിസിനസുകാരനായ രാജീവ്​ വാസന്ത്​ ദാനിയെയാണ്​ ഡൽഹി പൊലീസ്​ അറസ്​റ്റ്​ ചെയ്​തത്​. 

ലഖ്​നോ- ഡൽഹി വിമാനത്തിൽ മാർച്ച്​ 24നാണ്​ സംഭവം നടന്നത്​.  ഡൽഹിയിൽ വിമാനമിറങ്ങുന്നതിനിടെയായിരുന്നു ബിസിനസുകാരൻ എയർ ഹോസ്​റ്റസിനോട്​ അപമര്യാദയായി പെരുമാറിയത്​. സംഭവത്തെ തുടർന്ന്​ വിവരം അധികൃതരെ അറിയിക്കുകയും ​ഉടൻ ​െപാലീസിൽ പരാതി നൽകുകയുമായിരുന്നു. വിമാനമിറങ്ങുന്നതിനിടെ ബിസിനസുകാരൻ അസ്വസ്​ഥതയുണ്ടാക്കും വിധം തന്നെ സ്പർശിച്ചു​െവന്നാണ്​ യുവതിയുടെ പരാതി​.