സൗദിയിലെ 600 ഇന്ത്യക്കാരുടെ യാത്രാവിലക്കിന് പരിഹാരം

ന്യൂഡൽഹി: സൗദി ഭരണകൂടം ഏർപ്പെടുത്തിയ കോവിഡ് മാനദണ്ഡങ്ങൾ മൂലം അവിടുത്തെ നാടുകടത്തൽ കേന്ദ്രങ്ങളിൽ കുടുങ്ങിയ 600ഓളം ഇന്ത്യക്കാരുടെ പ്രശ്നം പരിഹരിച്ചതായി വിദേശകാര്യ മന്ത്രി എസ്. ജയശങ്കർ അറിയിച്ചു.

എംബസി ആവശ്യപ്രകാരം നാടുകടത്തപ്പെട്ടവരെ സ്ഥിരമായി നാട്ടിലെത്തിക്കുന്നതിന്​ സൗദി എയർലൈൻസ് സമ്മതിച്ചിട്ടുണ്ടെന്നും മുസ്ലി ലീഗ് എം.പി പി.വി. അബ്ദുൾ വഹാബിന്​ അയച്ച കത്തിൽ അദ്ദേഹം കൂട്ടിച്ചേർത്തു. തടവിലായവർ നെഗറ്റീവ് ആർ.ടി.പി.സി.ആർ റിപ്പോർട്ട് കൈവശം വെച്ചാൽ എയർ-സുവധ പോർട്ടലിൽ സർട്ടിഫിക്കറ്റ് അപ്‌ലോഡ് ചെയ്യുന്നതിൽ നിന്നുള്ള ഒഴിവാക്കലിന് ആരോഗ്യ മന്ത്രാലയത്തിനും വ്യോമയാന മന്ത്രാലയത്തിനും ഒരേസമയം നിർദേശം നൽകിയിട്ടുണ്ട്​.

ഗൾഫ് രാജ്യങ്ങളിൽ താമസിക്കുന്ന പൗരന്മാരെ തിരികെ കൊണ്ടുവരാൻ സർക്കാറിന്‍റെ അടിയന്തര ഇടപെടൽ രാജ്യസഭയിൽ വഹാബ്​ ആവശ്യപ്പെട്ടിരുന്നു. ഇതേ തുടർന്നാണ് വിദേശ മന്ത്രി എം.പിക്ക്​ കത്തയച്ചത്​.​