കൊൽക്കത്തയിൽ ആറ്​ വയസുകാരിയെ ശുചിമുറിയിൽ പീഡനത്തിനിരയാക്കി

കൊൽക്കത്ത: രാജ്യത്ത്​ സ്​ത്രീകൾക്കെതിരായ അതിക്രമങ്ങൾ വർധിച്ചു വരുന്നതിനിടെ കൊൽക്കത്തയിൽ ആറ്​ വയസുകാരി പീഡനത്തിനിരയായി. നഗരത്തിലെ ഗാർഡൻ റീച്ച്​ ഏരിയയിലെ ആളൊഴിഞ്ഞ കമ്യൂണിറ്റി ഹാളിലെ ബാത്ത്​റൂമിലാണ്​ പെൺകുട്ടി പീഡനത്തിനിരയായതെന്ന്​ പൊലീസ്​ അറിയിച്ചു. സംഭവവുമായി ബന്ധപ്പെട്ട്​ ഒരാൾ അറസ്​റ്റിലായിട്ടുണ്ട്​.

കെട്ടിടത്തിൻെറ ഒന്നാം നിലയിലാണ്​ സംഭവം നടന്നത്​. പെൺകുട്ടിയുടെ അയൽവാസിയായ 19കാരനാണ്​ പിടിയിലായത്​​. ഇരയുടെ അമ്മയുടെ പരാതിയുടെ അടിസ്ഥാനത്തിലാണ്​ അറസ്​റ്റ്​. പോക്​സോ ആക്​ട്​ പ്രകാരമാണ്​ ഇയാൾക്കെതിരെ കേസെടുത്തിരിക്കുന്നത്​. പെൺകുട്ടിയുടെ മെഡിക്കൽ റിപ്പോർട്ടിനായി കാത്തിരിക്കുകയാണെന്നും പൊലീസ്​ അറിയിച്ചു.