Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightയു.പി മെഡിക്കൽ...

യു.പി മെഡിക്കൽ ക്യാമ്പിൽ വിതരണം ചെയ്​തത്​ കാലാവധി കഴിഞ്ഞ മരുന്നുകൾ; ഗർഭിണിയും കുഞ്ഞുങ്ങളുമടക്കം ആശുപത്രിയിൽ

text_fields
bookmark_border
expired medicine
cancel
camera_alt

representational image

ലഖ്​നോ: രണ്ട്​ ദിവസങ്ങൾക്ക്​ മുമ്പ്​ കുഞ്ഞിന്​ നഴ്​സ്​ കാലാവധി കഴിഞ്ഞ ഗ്ലൂക്കോസ്​ നൽകിയതിന്​ പിന്നാലെ ഉത്തർപ്രദേശിലെ ഫിറോസാബാദിൽ നിന്ന്​ പുറത്തു വരുന്നത്​ ഞെട്ടിപ്പിക്കുന്ന വാർത്തകൾ. പ്രദേശത്ത്​ നടത്തിയ സർക്കാർ ക്യാമ്പിൽ വെച്ച്​ നിരവധി രോഗികൾക്ക്​ കാലാവധി കഴിഞ്ഞ മരുന്ന്​ വിതരണം ചെയ്​തതായാണ്​ റിപ്പോർട്ട്​. കുഞ്ഞുകുട്ടികൾ അടക്കം ആറ്​ പേർക്കാണ്​ അസുഖം ബാധിച്ചത്​. അജ്ഞാത രോഗം പടർന്ന്​ പിടിച്ച്​ നിരവധിയാളുകൾ മരിച്ചുവീണ സ്​ഥലമാണ്​ ഫിറോസാബാദ്​.

രോഗികളിൽ ഉൾപെട്ട ഗർഭിണിയെ ഗുരുതരാവസ്​ഥയിൽ ആശുപത്രിയിലാക്കി. സംഭവത്തിൽ ഫിറോസാബാദ്​ ജില്ല ഭരണകൂടം അന്വേഷണത്തിന്​ ഉത്തരവിട്ടു. ഡെങ്കിരോഗ ലക്ഷണങ്ങളുള്ളവർക്കായാണ്​ അംരി ഗ്രാമത്തിൽ മെഡിക്കൽ ക്യാമ്പ്​ സംഘടിപ്പിച്ചത്​. കടുത്ത പനിയുള്ള 150 കുട്ടികൾ അടക്കം 200 പേർക്കാണ്​ ക്യാമ്പിൽ വെച്ച്​ മരുന്ന്​ നൽകിയത്​.

മരുന്ന്​ കുടിച്ച ശേഷം മൂന്ന്​ കുട്ടികൾ ചർദിക്കാൻ തുടങ്ങി. ബാക്കിയുള്ളവർക്ക്​ അസുഖം ബാധിച്ചു. ഇതോടെ പ്രദേശവാസികളാണ്​ നടത്തിയ പരിശോധനയിലാണ്​ മരുന്നുകളുടെ കാലാവധി കഴിഞ്ഞതായി കണ്ടത്തി.

ഗർഭിണിക്ക്​ മരുന്ന്​ കുടിച്ചതോടെ വയറുവേദന അനുഭവപ്പെട്ടു. ​ഇതോടെയാണ്​ അവരെ ഉടൻ ആശുപത്രിയിലേക്ക്​ മാറ്റിയത്​. തങ്ങൾ ഇക്കാര്യത്തിൽ ശ്രദ്ധിച്ചിട്ടുണ്ടെന്നും കുറ്റക്കാർക്കെതിരെ കർശന നടപടി സ്വീകരിക്കുമെന്നും ഷിക്കോഹാബാദ് എസ്.ഡി.എം ദേവേന്ദ്ര പാൽ സിങ്​ പറഞ്ഞു. വിവാദത്തെ തുടർന്ന്​ ഗ്രാമീണർക്ക്​ മരുന്നുകൾ മാറ്റിനൽകി.

Show Full Article
TAGS:Firozabad expired medicine mysterious fever uttar pradesh 
News Summary - 6 persons including three kids and pregnant women fall sick after getting expired medicines at UP health camp
Next Story