ബിഹാറിൽ ട്രെയിൻ പാളംതെറ്റി ആറു​ മരണം

സോ​ൻ​പു​ർ (ബി​ഹാ​ർ): വൈ​ശാ​ലി ജി​ല്ല​യി​ലെ സ​ഹ​േ​ദ​യി ബു​സൂ​ര്‍ഗി​ല്‍ സീ​മാ​ഞ്ച​ല്‍ സൂ​പ്പ​ര്‍ ഫാ​സ്​​റ്റ്​ എ​ക്‌​സ്പ്ര​സ് ട്രെ​യി​ൻ പാ​ളം​തെ​റ്റി ആ​റു​പേ​ര്‍ മ​രി​ച്ചു. 29 പേ​ർ​ക്ക്​ പ​രി​ക്കേ​റ്റു. ഞാ​യ​റാ​ഴ്​​ച പു​ല​ർ​ച്ച 3.52നാ​ണ് അ​പ​ക​ടം. ട്രെ​യി​നി​​​െൻറ 11 കോ​ച്ചു​ക​ൾ പാ​ളം​തെ​റ്റി. മൂ​ന്ന് കോ​ച്ചു​ക​ള്‍ നി​ശ്ശേ​ഷം ത​ക​ര്‍ന്നു.

അ​പ​ക​ടം ന​ട​ക്കു​മ്പോ​ള്‍ സീ​മാ​ഞ്ച​ല്‍ എ​ക്‌​സ്പ്ര​സ് പ​ര​മാ​വ​ധി വേ​ഗ​ത്തി​ലാ​യി​രു​ന്നെ​ന്ന്​ റെ​യി​ൽ​വേ വൃ​ത്ത​ങ്ങ​ള്‍ അ​റി​യി​ച്ചു. ബി​ഹാ​റി​ലെ ജോ​ഗ്ബാ​നി​യി​ല്‍നി​ന്ന്​ ന്യൂ​ഡ​ല്‍ഹി ആ​ന​ന്ദ് വി​ഹാ​ര്‍ ടെ​ര്‍മി​ന​ലി​ലേ​ക്കു​ള്ള ട്രെ​യി​നാ​ണ് അ​പ​ക​ട​ത്തി​ൽ​പെ​ട്ട​ത്. ര​ക്ഷാ​പ്ര​വ​ര്‍ത്ത​നം പു​രോ​ഗ​മി​ക്കു​ന്ന​താ​യി റെ​യി​ല്‍വേ മ​ന്ത്രി പി​യൂ​ഷ് ഗോ​യ​ലി​​​െൻറ ഓ​ഫി​സ് അ​റി​യി​ച്ചു.

സോ​ൻ​പു​രി​ലും ബ​റൗ​ണി​യി​ലും​നി​ന്നു​ള്ള ഡോ​ക്ട​ര്‍മാ​രു​ടെ സം​ഘം അ​പ​ക​ട​സ്ഥ​ല​ത്ത്​ എ​ത്തി​യി​ട്ടു​ണ്ട്. ഈ ​പാ​ത​യി​ലു​ള്ള എ​ല്ലാ ട്രെ​യി​നു​ക​ളും റ​ദ്ദാ​ക്കി. അ​പ​ക​ട​ത്തി​ൽ മ​രി​ച്ച​വ​രു​ടെ അ​ടു​ത്ത ബ​ന്ധു​ക്ക​ൾ​ക്ക്​ അ​ഞ്ചു​ ല​ക്ഷം രൂ​പ​യു​ടെ ധ​ന​സ​ഹാ​യം റെ​യി​ൽ​വേ മ​ന്ത്രാ​ല​യം പ്ര​ഖ്യാ​പി​ച്ചു. ഗു​രു​ത​ര​മാ​യി പ​രി​ക്കേ​റ്റ​വ​ർ​ക്ക്​ ഒ​രു ല​ക്ഷ​വും പ​രി​ക്കേ​റ്റ​വ​ർ​ക്ക്​ അ​ര ല​ക്ഷം രൂ​പ​യും ന​ൽ​കും.

അ​പ​ക​ട​ത്തെ​ക്കു​റി​ച്ച്​ അ​ന്വേ​ഷി​ച്ച്​ റി​പ്പോ​ർ​ട്ട്​ ന​ൽ​കാ​ൻ കി​ഴ​ക്ക​ൻ മേ​ഖ​ല റെ​യി​ൽ​വേ സു​ര​ക്ഷ ക​മീ​ഷ​ണ​ർ ല​ത്തീ​ഫ്​ ഖാ​നെ ചു​മ​ത​ല​പ്പെ​ടു​ത്തി. പ്ര​ധാ​ന​മ​ന്ത്രി ന​രേ​ന്ദ്ര മോ​ദി, കോ​ൺ​ഗ്ര​സ്​ അ​ധ്യ​ക്ഷ​ൻ രാ​ഹു​ൽ ഗാ​ന്ധി, ബി​ഹാ​ർ മു​ഖ്യ​മ​ന്ത്രി നി​തീ​ഷ്​​കു​മാ​ർ എ​ന്നി​വ​ർ യാ​ത്ര​ക്കാ​രു​ടെ മ​ര​ണ​ത്തി​ൽ അ​നു​ശോ​ചി​ച്ചു.