Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightമുംബൈ ചേരികളിലെ 57...

മുംബൈ ചേരികളിലെ 57 ശതമാനം പേർക്കും കോവിഡ്​ വന്നുപോയി; ആർജിത പ്രതിരോധശക്തിയെന്ന്​ വിദഗ്​ധർ

text_fields
bookmark_border
മുംബൈ ചേരികളിലെ 57 ശതമാനം പേർക്കും കോവിഡ്​ വന്നുപോയി; ആർജിത പ്രതിരോധശക്തിയെന്ന്​ വിദഗ്​ധർ
cancel

മുംബൈ: മഹാരാഷ്​ട്രയിൽ കോവിഡ്​ അതിവ്യാപനമുണ്ടായ മുംബൈയിലെ ചേരി നിവാസികളിൽ 57 ശതമാനം പേർക്കും കോവിഡ്​ ബാധിച്ചിരുന്നുവെന്ന കണ്ടെത്തലിൽ കൂടുതൽ പഠനം നടത്താനൊരുങ്ങി ബ്രിഹാൻ മുംബൈ മുനിസിപ്പൽ കോർപ്പറേഷൻ. ജൂലൈയിൽ ബ്രിഹാൻ മുംബൈ മുനിസിപ്പൽ കോർപ്പറേഷൻ നടത്തിയ സീറോളജിക്കൽ സർവേയിൽ ഭൂരിഭാഗം പേരിലും കോവിഡ്​ 19 വന്നുപോയതായി കണ്ടെത്തിയിരുന്നു​. ചേരികളിലെ താമസക്കാരിൽ വൈറസിനെതിരായ ആർജിത പ്രതിരോധശക്തി (ഹേർഡ്​ ഇമ്മ്യൂണിറ്റി) ഉണ്ടായിട്ടുണ്ടെന്നാണ്​ വിദഗ്​ധർ അഭിപ്രായപ്പെടുന്നത്​. അതിനാൽ രണ്ടാം ഘട്ട സിറോ പ്രിവലെൻസ് സർവേ നടത്താനൊരുങ്ങുകയാണ്​ ബി.എം.സി.

ജൂലൈയിൽ നടത്തിയ ആദ്യ സർവേയുടെ ഭാഗമായി ചേരികളിലുള്ളവരുടെ സാമ്പിളുകൾ ശേഖരിച്ച്​ നടത്തിയ സർവേയിൽ 57 ശതമാനം പേരുടെ രക്തത്തിലും കോവിഡിനെതിരായ ആൻറിബോഡിയുടെ സാന്നിധ്യം കണ്ടെത്തിയിരുന്നു. രോഗബാധ ഉണ്ടായിരുന്നവരിലാണ് സാധരണ ആൻറിബോഡികൾ വികസിക്കുക.

രണ്ടാമത്തെ സർവേയിൽ, ആദ്യ സർവേയുടെ ഭാഗമായ അതേ വ്യക്തികളുടെ സാമ്പിളുകളാണ്​ പരിശോധിക്കുക. ഇവരിൽ ആൻറിബോഡികളുടെ സാന്നിധ്യം കുറയുകയോ വർദ്ധിക്കുകയോ ചെയ്തിട്ടുണ്ടോ എന്ന് വിദഗ്​ധർ പരിശോധിക്കും.

കോവിഡ്​ പോലുള്ള പകർച്ചവ്യാധിയിൽ വാക്​സിനുകൾക്ക്​ പുറമെ ജനസംഖ്യയിലെ വലിയൊരു വിഭാഗതതിന്​ ആർജിത ​പ്രതിരോധശക്തി ഉണ്ടായാൽ മാത്രമേ വ്യാപനം തടയാൻ കഴിയൂയെന്നാണ്​ വിദഗ്ധർ അഭിപ്രായപ്പെടുന്നത്​. മുംബൈയിലെ ചേരിനിവാസികൾ ആർജിത പ്രതിരോധശേഷി നേടിയിരിക്കാമെന്ന് നാഷണൽ ഇൻസ്റ്റിറ്റ്യൂട്ട് ഓഫ് എപ്പിഡെമിയോളജിയുടെ ശാസ്ത്ര ഉപദേശക സമിതി ചെയർമാൻ ജയപ്രകാശ് മുലിയൽ പറഞ്ഞു.

ഇന്ത്യ പോലെ ജനസംഖ്യയും വിസ്​തൃതിയുമുള്ള ഒരു രാജ്യത്ത്, ആർജിത പ്രതിരോധശേഷി ഉണ്ടാക്കിയെടുക്കുകയെന്നത്​ ശ്രമകരമാണെന്ന്​ ആരോഗ്യമന്ത്രാലയം വ്യക്തമാക്കിയിരുന്നു.

രാജ്യത്ത് റിപ്പോർട്ട് ചെയ്യപ്പെട്ട കോവിഡ് കേസുകളിൽ ഏഴുശതമാനത്തോളം മുംബൈയിൽ നിന്നാണുള്ളതാണ്​. കഴിഞ്ഞ 24 മണിക്കൂറിൽ മുംബൈയിൽ മാത്രം 1,132 പുതിയ കോവിഡ്​ കേസുകളാണ്​ റിപ്പോർട്ട്​ ചെയ്​തത്​. ഇ​േതാടെ നഗരത്തിലെ കോവിഡ്​ബാധിതരുടെ എണ്ണം 126,356 ആയി. കഴിഞ്ഞ ദിസവം 50 മരണങ്ങൾ റിപ്പോർട്ട്​ ചെയ്​തതോടെ മുംബൈയിലെ കോവിഡ്​ മരണസംഖ്യ 6,943 ആയി ഉയർന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:MaharashtraIndia newscovid testMumbai slumIndia covid
Next Story