ചെന്നൈ വിമാനത്താവളത്തിൽ സ്വർണക്കടത്ത്​ വ്യാപകം; മൂന്നുദിവസത്തിനിടെ പിടികൂടിയത്​ 5.5 കിലോ സ്വർണം

ചെന്നൈ: ​​െചന്നൈ വിമാനത്താവളത്തിൽ ഒളിപ്പിച്ച്​ കടത്താൻ ശ്രമിച്ച 2.53 ​കോടിയ​ുടെ 5.5കിലോ സ്വർണവും 24 ലക്ഷത്തിന്‍റെ വിദേശ കറൻസിയും പിടിച്ചെടുത്തു. വിവിധ യാത്രക്കാരിൽനിന്നാണ്​ ഇവ പിടികൂടിയതെന്നും അവരെ അറസ്റ്റ്​ ചെയ്​തതായും ചെ​ൈന്ന കസ്റ്റംസ്​ പറഞ്ഞു​.

രാമനാഥപുരം സ്വദേശിയായ മഖ്​റൂബ്​ അക്​ബർ അലിയുടെയും സുബൈർ ഹസൻ റഫിയുദീന്‍റെയും തലയിലെ വിഗ്ഗിൽ ഒളിപ്പിച്ച നിലയിലായിരുന്നു 595 ഗ്രാം സ്വർണം. ദുബൈയിൽനിന്ന്​ ചെന്നൈ വിമാനത്താവളത്തിലെത്തിയവരാണ്​ അവർ. വിഗ്ഗിന്​ അകത്ത്​ കുഴമ്പുരൂപത്തിലായിരുന്നു സ്വ​ർ​ണം സൂക്ഷിച്ചിരുന്നത്​.

തിരുച്ചിറപ്പള്ളി സ്വദേശിയായ ബാലു ഗണേഷനാണ്​ പിടിയിലായ മറ്റൊരാൾ. ഇയാളുടെ മലാശയത്തിൽ ഒളിപ്പിച്ച നിലയിലായിരുന്നു 622 ഗ്രാം സ്വർണം. മഖ്​റൂബും സുബൈറും ബാലു ഗണേഷനും ഒരേ വിമാനത്തിലാണ്​ ചെന്നൈയിലെത്തിയത്​.

24കാരനായ അൻപഴകനും തമീൻ അൻസാരിയുമാണ്​​ ശനിയാഴ്ച അറസ്റ്റിലായ മറ്റു രണ്ടുപേർ. 1.5 കിലോ വരുന്ന നാലു പാക്കറ്റുകളിൽ സൂക്ഷിച്ചിരുന്ന സ്വർണം അൻപഴകന്‍റെ സോക്​സിലും അടിവസ്​ത്രത്തിലും ഒളിപ്പിച്ച നിലയിലായിരുന്നു. വിമാനത്താവളത്തിന്​ പുറത്തെത്തിച്ച 62 ലക്ഷം രൂപ വിലവരുന്ന 1.33 കിലോഗ്രാം സ്വർണം കൊണ്ടുപോകാൻ ശ്രമിക്കുന്നതിനിടെയാണ്​ തമീൻ പിടിയിലാകുന്നതെന്നും അധികൃതർ അറിയിച്ചു.

ചെന്നൈ വിമാനത്താവളത്തിലെത്തിയ ഇൻഡിഗോ വിമാനത്തിൽ സീറ്റിനടയിൽ തുണിസഞ്ചിയിൽ പൊതിഞ്ഞ നിലയിൽ സ്വർണം കണ്ടെടുത്തു. 43.30ലക്ഷം രൂപ വരുന്ന 933ഗ്രാം സ്വർണമാണ്​ കണ്ടെടുത്തത്​.

​സെയ്​ദ്​ അഹമ്മദുള്ള, സന്തോഷ്​ സെൽവം, അബ്​ദുള്ള എന്നിവരാണ്​ ശനിയാഴ്ച പിടിയിലായവർ. തലയിലെ വിഗ്ഗിൽ അസ്വഭാവികത തോന്നിയതിനെ തുടർന്ന്​ നടത്തിയ പരിശോധനയിൽ വിഗ്ഗിനുള്ളിൽ പേസ്റ്റ്​ രൂപത്തിൽ ഒളിപ്പിച്ച സ്വർണം കണ്ടെടുക്കുകയായിരുന്നു. ദുബൈ ഷാർജ വിമാനത്തിൽ ചെന്നൈ വിമാനത്താവളത്തിൽ എത്തിയവരാണ്​ ഇവർ. മൂന്നുപേരിൽനിന്നായി 96.57 ലക്ഷം വില വരുന്ന 2.08കിലോ ഗ്രാം സ്വർണമാണ്​ പിടിച്ചെടുത്തത്​. മൂന്നുപേരെയും അറസ്റ്റ്​ ചെയ്​തതായി കസ്റ്റംസ്​ അറിയിച്ചു.

ഷാർജ വിമാനത്തിൽ ചെന്നൈയിലെത്തിയ നാലുയാത്രക്കാരെ വിദേശ കറൻസി കടത്തിയതിനാണ്​ അറസ്റ്റ്​ ചെയ്​തത്​. വിഗ്ഗിനുളളിൽ ഒളിപ്പിച്ച നിലയിലയിലായിരുന്നു കറൻസി.​ 24.06 ലക്ഷം രൂപയുടെ കറൻസിയാണ്​ പടികൂടിയതെന്നും അധികൃതർ അറിയിച്ചു.