Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightആധാറും വോട്ടർ കാർഡും...

ആധാറും വോട്ടർ കാർഡും ബന്ധിപ്പിച്ചു തുടങ്ങിയില്ലെന്ന്​ കമീഷൻ

text_fields
bookmark_border
Aadhaar card
cancel

ന്യൂ​ഡ​ൽ​ഹി: വി​വി​ധ സം​സ്ഥാ​ന​ങ്ങ​ളി​ലെ വോ​ട്ട​ർ​മാ​രി​ൽ​നി​ന്ന്​ ഇ​തി​ന​കം 55 കോ​ടി​യോ​ളം ആ​ധാ​ർ ന​മ്പ​ർ സ​മാ​ഹ​രി​ച്ച തെ​ര​ഞ്ഞെ​ടു​പ്പു ക​മീ​ഷ​ൻ അ​തി​ലൊ​ന്നു​പോ​ലും വോ​ട്ട​ർ കാ​ർ​ഡു​മാ​യി ഇ​തു​വ​രെ ബ​ന്ധി​പ്പി​ച്ചി​ട്ടി​ല്ല. ഇ​തി​ന​കം ശേ​ഖ​രി​ച്ച ആ​ധാ​ർ തെ​ര​ഞ്ഞെ​ടു​പ്പു ക​മീ​ഷ​ൻ എ​ങ്ങ​നെ സൂ​ക്ഷി​ക്കു​ന്നു​വെ​ന്ന്​ വ്യ​ക്ത​മ​ല്ല. ബ​ന്ധി​പ്പി​ക്ക​ൽ ന​ട​പ​ടി തു​ട​ങ്ങാ​ത്ത​തി​നും കൃ​ത്യ​മാ​യ വി​ശ​ദീ​ക​ര​ണ​മി​ല്ല.

ആ​ധാ​റും വോ​ട്ട​ർ കാ​ർ​ഡും ബ​ന്ധി​പ്പി​ക്കു​ന്ന പ്ര​വ​ർ​ത്ത​നം ഇ​തു​വ​രെ തു​ട​ങ്ങി​യി​ട്ടി​ല്ലെ​ന്നാ​ണ്​ വി​വ​രാ​വ​കാ​ശ നി​യ​മ​പ്ര​കാ​ര​മു​ള്ള ചോ​ദ്യ​ത്തി​ന്​ ഇ​ക്ക​ഴി​ഞ്ഞ ദി​വ​സം തെ​ര​ഞ്ഞെ​ടു​പ്പു ക​മീ​ഷ​ൻ ന​ൽ​കി​യ മ​റു​പ​ടി. എ​ല്ലാ സം​സ്ഥാ​ന​ങ്ങ​ളി​ലും ​വോ​ട്ട​ർ​മാ​രു​ടെ ആ​ധാ​ർ സ​മാ​ഹ​രി​ക്കു​ന്ന പ്ര​വ​ർ​ത്ത​നം ന​ട​ന്നു​വ​രു​ന്നു​ണ്ട്. ആ​ധാ​ർ ന​മ്പ​റു​മാ​യി ബ​ന്ധി​പ്പി​ക്കു​ന്ന​തി​ന്​ ഫോ​റം-6​ബി പൂ​രി​പ്പി​ച്ചു ന​ൽ​കി​യ വോ​ട്ട​ർ​മാ​രു​ടെ എ​ണ്ണം 55 കോ​ടി​യോ​ള​മാ​ണ്.

ആ​ധാ​ർ ശേ​ഖ​രി​ച്ച്​ വോ​ട്ട​ർ പ​ട്ടി​ക​യു​മാ​യി ബ​ന്ധി​പ്പി​ക്കാ​ൻ തെ​ര​ഞ്ഞെ​ടു​പ്പു ക​മീ​ഷ​നെ അ​ധി​കാ​ര​പ്പെ​ടു​ത്തു​ന്ന തെ​ര​ഞ്ഞെ​ടു​പ്പു നി​യ​മ​ഭേ​ദ​ഗ​തി പാ​ർ​ല​മെ​ന്‍റ്​ പാ​സാ​ക്കി​യ​തി​നെ തു​ട​ർ​ന്ന്​ ക​ഴി​ഞ്ഞ ആ​ഗ​സ്റ്റ്​ ഒ​ന്നി​നാ​ണ്​ ബ​ന്ധി​പ്പി​ക്ക​ലി​ന്​ പ്ര​ത്യേ​ക യ​ജ്ഞം ക​മീ​ഷ​ൻ ആ​രം​ഭി​ച്ച​ത്. 2023 ഏ​പ്രി​ൽ ഒ​ന്നാ​ണ്​ ഫോ​റം-6​ബി പൂ​രി​പ്പി​ച്ചു ന​ൽ​കാ​നു​ള്ള അ​വ​സാ​ന തീ​യ​തി​യെ​ന്ന്​ ജൂ​ൺ 17ന്​ ​നി​യ​മ​മ​ന്ത്രാ​ല​യം പു​റ​ത്തി​റ​ക്കി​യ വി​ജ്ഞാ​പ​ന​ത്തി​ൽ വ്യ​ക്ത​മാ​ക്കി​യി​ട്ടു​ണ്ട്.

95 കോ​ടി വ​രു​ന്ന വോ​ട്ട​ർ​മാ​രി​ൽ പ​കു​തി​യോ​ളം പേ​ർ വോ​ട്ട​ർ കാ​ർ​ഡും ആ​ധാ​റും പ​ര​സ്​​പ​രം ബ​ന്ധി​പ്പി​ക്കു​ന്ന​തി​ന്​ സ്വ​മേ​ധ​യാ അ​നു​മ​തി ന​ൽ​കി​യ​താ​യി ഏ​താ​നും ദി​വ​സം മു​മ്പ്​ തെ​ര​ഞ്ഞെ​ടു​പ്പു ക​മീ​ഷ​ൻ വൃ​ത്ത​ങ്ങ​ൾ പ​റ​ഞ്ഞി​രു​ന്നു. വോ​ട്ട​റു​ടെ ആ​ധാ​റും ഇ​ല​ക്ട​റ​ൽ കാ​ർ​ഡും ബ​ന്ധി​പ്പി​ക്കാ​ത്ത​തു​കൊ​ണ്ട്, ഈ ​ക്ര​മീ​ക​ര​ണ​ത്തി​ലൂ​ടെ ല​ക്ഷ്യ​മി​ടു​ന്ന പ്ര​കാ​ര​മു​ള്ള വോ​ട്ട​ർ​പ​ട്ടി​ക​യി​ലെ ഇ​ര​ട്ടി​പ്പ്​ ക​ണ്ടു​പി​ടി​ക്ക​ൽ ഒ​ഴി​വാ​ക്ക​ൽ ന​ട​പ​ടി​ക​ളി​ലേ​ക്ക്​ ക​ട​ക്കാ​നും ക​ഴി​ഞ്ഞി​ട്ടി​ല്ല.

വോ​ട്ട​ർ​കാ​ർ​ഡി​ലേ​ക്ക്​ ചേ​ർ​ക്കാ​ൻ ആ​ധാ​ർ ന​ൽ​കാ​ത്ത​തി​ന്‍റെ പേ​രി​ൽ ഒ​രാ​ളു​ടെ പേ​രു പോ​ലും വോ​ട്ട​ർ​പ​ട്ടി​ക​യി​ൽ​നി​ന്ന്​ നീ​ക്കി​ല്ലെ​ന്ന്​ നി​യ​മ​മ​ന്ത്രി കി​ര​ൺ റി​ജി​ജു ക​ഴി​ഞ്ഞ ദി​വ​സം പാ​ർ​ല​മെ​ന്‍റി​ൽ വി​ശ​ദീ​ക​രി​ച്ചി​രു​ന്നു. ശേ​ഖ​രി​ക്കു​ന്ന ആ​ധാ​ർ മു​ഴു​വ​ൻ 'ആ​ധാ​ർ ഡേ​റ്റ വോ​ൾ​ട്ടി'​ൽ ശേ​ഖ​രി​ക്കു​മെ​ന്നും, സാ​ക്ഷ്യ​പ്പെ​ടു​ത്ത​ലി​ന്​ മാ​ത്ര​മാ​ണ്​ അ​ത്​ ഉ​പ​യോ​ഗി​ക്കു​ക​യെ​ന്നും അ​ദ്ദേ​ഹം വി​ശ​ദീ​ക​രി​ച്ചു. സ​വി​ശേ​ഷ തി​രി​ച്ച​റി​യ​ൽ അ​തോ​റി​റ്റി​യു​ടെ ആ​ധാ​ർ ഡേ​റ്റ​ബേ​സി​ൽ​നി​ന്ന്​ വ്യ​ക്തി​ഗ​ത വി​വ​ര​ങ്ങ​ളൊ​ന്നും തെ​ര​ഞ്ഞെ​ടു​പ്പു ക​മീ​ഷ​ൻ ശേ​ഖ​രി​ക്കി​ല്ലെ​ന്നും മ​ന്ത്രി വ്യ​ക്ത​മാ​ക്കി.

ആ​ധാ​ർ ഇ​ല്ലാ​ത്ത​തി​ന്‍റെ​യോ ഹാ​ജ​രാ​ക്കാ​ത്ത​തി​ന്‍റെ​യോ പേ​രി​ൽ, അ​ർ​ഹ​മാ​യ അ​വ​കാ​ശ ആ​നു​കൂ​ല്യ​ങ്ങ​ൾ പൗ​ര​ന്​ നി​ഷേ​ധി​ക്ക​രു​തെ​ന്നാ​ണ്​ 2015ലെ ​സു​പ്രീം​കോ​ട​തി വി​ധി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Election CommissionAadhaarVoter ID
News Summary - 54.32 cr Aadhaar collected, none linked with Voter ID yet - Election Commission
Next Story