Begin typing your search above and press return to search.
exit_to_app
exit_to_app
Vaccination
cancel
Homechevron_rightNewschevron_rightIndiachevron_rightരാജ്യത്ത്​18 വയസിന്​...

രാജ്യത്ത്​18 വയസിന്​ മുകളിലുള്ള 54% പേർക്ക്​ ഒരു ഡോസ്​ വാക്​സിൻ നൽകി, 16% പേർക്ക്​ രണ്ടു ഡോസും -കേന്ദ്ര ആരോഗ്യ മന്ത്രാലയം

text_fields
bookmark_border

ന്യൂഡൽഹി: രാജ്യത്ത്​ പ്രായപൂർത്തിയായവരിൽ 54 ശതമാനം പേർക്ക്​​ ഒരു ഡോസ്​ വാക്​സിൻ നൽകിയ​തായി കേന്ദ്രസർക്കാർ. 16 ശതമാനം ​േപർക്ക്​ രണ്ടു ഡോസ്​ വാക്​സിനും നൽകി. രാജ്യ​ത്ത്​ ഇതുവരെ നൽകിയ വാക്​സിൻ ഡോസുകളുടെ എണ്ണം 67 കോടി കഴിഞ്ഞെന്നും കേന്ദ്ര ആരോഗ്യ സെക്രട്ടറി രാജേഷ്​ ഭൂഷൺ പറഞ്ഞു.

സിക്കിം, ദാദ്ര നഗർ ഹവേലി, ഹിമാചൽ പ്രദേശ്​ എന്നിവിടങ്ങളിൽ പ്രായപൂർത്തിയായ എല്ലാവർക്കും ഒരു ഡോസ്​ വാക്​സിൻ നൽകി. രാജ്യത്ത്​ ആഗസ്റ്റിൽ 18.38 കോടി വാക്​സിൻ വിതരണം ചെയ്​തു. പ്രതിദിനം 59.29 ലക്ഷം ഡോസുകൾ വീതമായിരുന്നു വിതരണമെന്നും അദ്ദേഹം പറഞ്ഞു.

കഴിഞ്ഞ ഒരാഴ​്​ചയായി ശരാശരി 80.27ലക്ഷം പേർക്ക്​ പ്രതിദിനം വാക്​സിൻ നൽകി വരുന്നു. ആരോഗ്യപ്രവർത്തകരുടെയും സംസ്​ഥാന സർക്കാറുകളുടെയും കേന്ദ്ര ഭരണ പ്രദേശങ്ങളുടെയും പൂർണ സഹകരണത്തോടെയാണ്​ വാക്​സിനേഷൻ യജ്ഞം മുന്നോട്ടുപോകുന്നതെന്നും അദ്ദേഹം പറഞ്ഞു.

ആഗസ്​റ്റ്​ 27നും 31നും ഒരു കോടിയിലധികം വാക്​സിൻ ഡോസുകൾ വിതരണം ചെയ്​തിരുന്നു. ആഗസ്റ്റ്​ മാസത്തിൽ വാക്​സിൻ വിതരണം ഉയർന്നതായും ആരോഗ്യസെ​ക്രട്ടറി വ്യക്തമാക്കി.

മേയിൽ 16.69 ലക്ഷം, ജൂണിൽ 39.89ലക്ഷം ജൂലൈയിൽ 43.41ലക്ഷം വാക്​സിൻ ഡോസുകളാണ്​ വിതരണം ചെയ്​തത്​. സിക്കിമിൽ 36 ശതമാനം പേർക്ക്​ രണ്ടു ഡോസ്​ വാക്​സിനും നൽകി. ദാദ്ര നഗർ ഹവേലിയിൽ 18 ശതമാനം പേർക്കും ഹിമാചൽ പ്രദേശിൽ 32 ശതമാനം​ പേർക്കുമാണ്​ രണ്ടു ഡോസ്​ വാക്​സിൻ നൽകിയത്​.

ത്രിപുര, ലഡാക്​, ദാമൻ ദിയു, ലക്ഷദ്വീപ്​, മിസോറാം എന്നിവിടങ്ങളിൽ 85 ശതമാനംപേർക്ക്​ ഒരു ഡോസ്​ വാക്​സിൻ നൽകി. ആരോഗ്യ പ്രവർത്തകരിൽ 99 ശതമാനം പേർ ഒന്നാം ഡോസും 84 ശതമാനംപേർ രണ്ടു ഡോസും വാക്​സിൻ സ്വീകരിച്ചതായും ഭൂഷൺ പറഞ്ഞു.

സംസ്​ഥാനങ്ങളിൽ കോവിഡ്​ കേസുകൾ വർധിച്ചുവരികയാണെന്നും കേരളത്തെയാണ്​ ഈ ഘട്ടത്തിൽ കോവിഡ്​ രൂക്ഷമായി ബാധിച്ചിരിക്കുന്നതെന്നും ആരോഗ്യമന്ത്രാലയം അറിയിച്ചു. കേരളത്തിന്​ പുറമെ മഹാരാഷ്​ട്ര, തമിഴ്​നാട്​, കർണാടക, ആന്ധ്രപ്രദേശ്​ തുടങ്ങിയ സംസ്​ഥാനങ്ങളിലും കോവിഡ്​ കേസുകൾ ഉയരുന്നുണ്ടെന്ന്​ ആരോഗ്യമന്ത്രാലയം വ്യക്തമാക്കി.

Show Full Article
TAGS:Covid Vaccine Covid 19 Vaccination 
News Summary - 54 Percent of Indias adult population received at least one dose of Covid vaccine
Next Story