You are here

പൗ​ര​ത്വ ഭേ​ദ​ഗ​തി കേ​ന്ദ്രം എ​ങ്ങ​നെ ന​ട​പ്പാ​ക്കും? സം​സ്ഥാ​നം എ​ങ്ങ​നെ ന​ട​പ്പാ​ക്കാ​തി​രി​ക്കും?  -വി​ഷ​യം സ​ങ്കീ​ർ​ണം

  • നടപ്പാക്കില്ലെന്ന്​ അഞ്ചു സംസ്ഥാനങ്ങൾ;  തടയാൻ കഴിയില്ലെന്ന്​ കേന്ദ്രം

22:40 PM
13/12/2019

ന്യൂഡൽഹി: രാ​ഷ്​​ട്ര​പ​തി ഒ​പ്പു​വെ​ച്ച​തോ​ടെ പൗ​ര​ത്വ നി​യ​മ​ഭേ​ദ​ഗ​തി പ്രാ​ബ​ല്യ​ത്തി​ലാ​യെ​ങ്കി​ലും, ന​ട​പ്പാ​ക്കി​ല്ലെ​ന്ന നി​ല​പാ​ടു​മാ​യി കേ​ര​ള​മ​ട​ക്കം അ​ഞ്ചു സം​സ്ഥാ​ന​ങ്ങ​ൾ. പൗ​ര​ത്വം കേ​ന്ദ്ര​സ​ർ​ക്കാ​റി​​​െൻറ അ​ധി​കാ​ര​പ​രി​ധി​യി​ൽ​പെ​ട്ട വി​ഷ​യ​മാ​യ​തി​നാ​ൽ സം​സ്ഥാ​ന​ങ്ങ​ൾ​ക്ക്​ ത​ട​യാ​ൻ ക​ഴി​യി​ല്ലെ​ന്ന്​ കേ​ന്ദ്രം. അ​തേ​സ​മ​യം, കേ​ന്ദ്ര​വു​മാ​യി സം​സ്ഥാ​ന സ​ർ​ക്കാ​റു​ക​ൾ ഏ​റ്റു​മു​ട്ട​ലി​​​െൻറ പാ​ത സ്വീ​ക​രി​ച്ചാ​ൽ നി​യ​മ​ഭേ​ദ​ഗ​തി ന​ട​ത്തി​പ്പ്​ അ​ഴി​യാ​ക്കു​രു​ക്കാ​കും.  

പ​ശ്ചി​മ​ബം​ഗാ​ൾ, കേ​ര​ളം, പ​ഞ്ചാ​ബ്, മ​ധ്യ​പ്ര​ദേ​ശ്, ഛത്തി​സ്ഗ​ഢ്​ സം​സ്ഥാ​ന​ങ്ങ​ളു​ടെ മു​ഖ്യ​മ​ന്ത്രി​മാ​രാ​ണ്​ പൗ​ര​ത്വ​നി​യ​മം ന​ട​പ്പാ​ക്കി​ല്ലെ​ന്ന്​ പ്ര​ഖ്യാ​പി​ച്ച​ത്. അ​ത​തു സം​സ്ഥാ​ന​ങ്ങ​ളി​ലെ ജ​ന​വി​കാ​ര​വും കേ​ന്ദ്ര​ത്തെ പോ​ലെ​ത​ന്നെ രാ​ഷ്​​ട്രീ​യ ല​ക്ഷ്യ​ങ്ങ​ളും അ​തി​നു​പി​ന്നി​ലു​ണ്ട്. അ​തേ​സ​മ​യം, കേ​ന്ദ്ര​നി​യ​മം സം​സ്ഥാ​നം ന​ട​പ്പാ​ക്കാ​തി​രി​ക്കു​ന്ന​ത്​ എ​ങ്ങ​നെ? ഒ​പ്പം മ​റ്റൊ​രു ചോ​ദ്യ​വു​മു​ണ്ട്​: സം​സ്ഥാ​നം വ​ഴി​മു​ട​ക്കി​യാ​ൽ കേ​ന്ദ്രം ന​ട​പ്പാ​ക്കു​ന്ന​ത്​ എ​ങ്ങ​നെ? 

ഭ​ര​ണ​ഘ​ട​ന​യു​ടെ ഏ​ഴാം പ​ട്ടി​ക​യി​ൽ​പെ​ട്ട വി​ഷ​യ​മാ​ണ്​ പൗ​ര​ത്വം. കേ​ന്ദ്ര​നി​യ​മം എ​ല്ലാ സം​സ്ഥാ​ന​ങ്ങ​ൾ​ക്കും കേ​ന്ദ്ര​ഭ​ര​ണ പ്ര​ദേ​ശ​ങ്ങ​ൾ​ക്കും ബാ​ധ​ക​മാ​ണ്. സം​സ്ഥാ​ന​ത്തി​​​െൻറ എ​തി​ർ​പ്പ്​ അ​വ​ഗ​ണി​ച്ച്​ മു​ന്നോ​ട്ടു​പോ​കാ​ൻ പ​ക്ഷേ, കേ​ന്ദ്ര​ത്തി​ന്​ ക​ഴി​യി​ല്ല. പൗ​ര​ത്വം പോ​ലു​ള്ള സു​പ്ര​ധാ​ന കാ​ര്യ​ങ്ങ​ളി​ൽ കേ​ന്ദ്ര​നി​യ​മം അ​വ​ഗ​ണി​ച്ച്​ ജ​ന​താ​ൽ​പ​ര്യം സം​ര​ക്ഷി​ക്കാ​ൻ സം​സ്ഥാ​ന​ത്തി​ന്​ പൂ​ർ​ണ​മാ​യി ക​ഴി​യു​ക​യു​മി​ല്ല. കോ​ട​തി ക​യ​റി​യാ​ൽ കേ​ന്ദ്ര​ത്തി​ന്​ അ​നു​കൂ​ല​മാ​ണ്​ ഭ​ര​ണ​ഘ​ട​ന വ്യ​വ​സ്ഥ. അ​തേ​സ​മ​യം, നി​യ​മ​ന​ട​പ​ടി​യു​ടെ കു​രു​ക്ക്​ അ​ഴി​ച്ചെ​ടു​ക്കാ​ൻ സ​മ​യ​മെ​ടു​ക്കും.

പൗ​ര​ത്വം സ്ഥാ​പി​ച്ച്​ അ​നു​ബ​ന്ധ രേ​ഖ​ക​ൾ സ​മ്പാ​ദി​ക്കേ​ണ്ട പൊ​തു​ജ​ന​മാ​ണ്​ ഇ​തി​നി​ട​യി​ൽ ശ​രി​ക്കും പ്ര​ശ്​​ന​ക്കു​രു​ക്കി​ലാ​വു​ക. സം​സ്​​ഥാ​ന​ത്തു ക​ഴി​യു​ന്ന ഒ​രൊ​റ്റ​യാ​ളെ​​പ്പോ​ലും പു​റ​ന്ത​ള്ളു​ക​യോ അ​വ​കാ​ശ​ങ്ങ​ൾ നി​ഷേ​ധി​ക്കു​ക​യോ ചെ​യ്യി​ല്ലെ​ന്ന്​ സം​സ്ഥാ​ന സ​ർ​ക്കാ​റി​ന്​ നി​ല​പാ​ട്​ എ​ടു​ക്കാം. എ​ന്നാ​ൽ, കേ​ന്ദ്രം ന​ൽ​കേ​ണ്ട പാ​സ്​​പോ​ർ​ട്ട്, ആ​ധാ​ർ, പാ​ൻ കാ​ർ​ഡ്​ തു​ട​ങ്ങി​യ ആ​ധി​കാ​രി​ക രേ​ഖ​ക​ളു​ടെ കാ​ര്യം പ്ര​ശ്​​ന​ത്തി​ലാ​വും. ദേ​ശീ​യ പൗ​ര​ത്വ ര​ജി​സ്​​റ്റ​ർ​കൂ​ടി ത​യാ​റാ​ക്കാ​നു​ള്ള പു​റ​പ്പാ​ടി​ലാ​ണ്​ കേ​ന്ദ്രം.

വി​ദേ​ശ​കാ​ര്യ മ​ന്ത്രാ​ല​യ​മാ​ണ്​ പാ​സ്​​പോ​ർ​ട്ട്​ ന​ൽ​കേ​ണ്ട​ത്. അ​തി​​​െൻറ വെ​രി​ഫി​ക്കേ​ഷ​ൻ ന​ട​ത്തേ​ണ്ട​ത്​ സം​സ്ഥാ​ന സ​ർ​ക്കാ​റാ​ണ്. റേ​ഷ​ൻ കാ​ർ​ഡ്​ പോ​ലു​ള്ള രേ​ഖ​ക​ൾ ആ​ധാ​ര​മാ​ക്കി വെ​രി​ഫി​ക്കേ​ഷ​ൻ പൂ​ർ​ത്തി​യാ​ക്കാം. എ​ന്നാ​ൽ, ഇ​ങ്ങ​നെ ​സ​മ്പാ​ദി​ക്കു​ന്ന രേ​ഖ​ക​ളു​മാ​യി ബ​ന്ധ​പ്പെ​ട്ട്​ ഭാ​വി​യി​ലു​ണ്ടാ​കു​ന്ന പ്ര​ശ്​​ന​ങ്ങ​ളു​ടെ ഉ​ത്ത​ര​വാ​ദി​ത്തം സം​സ്ഥാ​ന​ത്തി​​​െൻറ തോ​ളി​ലാ​വും. ഇ​ത്ത​ര​ത്തി​ലാ​ണ്​ ഓ​രോ കു​രു​ക്ക്.  സം​സ്ഥാ​ന​വും കേ​ന്ദ്ര​വും സ​ഹ​ക​രി​ച്ചു നീ​ങ്ങി​യാ​ലും ഇ​ല്ലെ​ങ്കി​ലും പൗ​ര​ത്വ​ത്തി​​​െൻറ ഗു​ണ​ഭോ​ക്താ​ക്ക​ൾ പ്ര​ശ്​​ന​ത്തി​ലാ​വു​മെ​ന്ന്​ ചു​രു​ക്കം. ഇ​വി​ടെ ന​ട​പ്പി​ല്ലെ​ന്നു പ​റ​യു​േ​മ്പാ​ഴും, സം​സ്ഥാ​ന​ങ്ങ​ൾ​ക്കു മു​ന്നി​ൽ പ​രി​മി​തി​ക​ളു​ണ്ടെ​ന്നാ​ണ്​ നി​യ​മ​വി​ദ​ഗ്​​ധ​രു​ടെ പ​ക്ഷം.

സ്വ​ന്തം ജ​ന​ങ്ങ​ളെ പു​റ​ന്ത​ള്ളാ​നോ മാ​റ്റി​നി​ർ​ത്താ​നോ ത​യാ​റാ​കാ​ത്ത ഒ​രു സം​സ്ഥാ​ന​ത്ത്​ അ​തി​ക്ര​മി​ച്ചു ക​യ​റി നി​യ​മം ന​ട​ത്താ​ൻ കേ​ന്ദ്ര​ത്തി​നും സാ​ധി​ക്കി​ല്ല. സ്വ​ന്തം അ​ധി​കാ​ര​പ​രി​ധി​യി​ലു​ള്ള രേ​ഖ​ക​ൾ വി​ല​ക്കാ​ൻ കേ​ന്ദ്ര​ത്തി​നു ക​ഴി​യും. ഇ​ത്​ വ​ലി​യ കേ​ന്ദ്ര-​സം​സ്ഥാ​ന ഏ​റ്റു​മു​ട്ട​ലു​ക​ളി​ലേ​ക്കാ​ണ്​ കാ​ര്യ​ങ്ങ​ൾ എ​ത്തി​ക്കു​ക. ആ​രാ​ണ്​ ജ​ന​പ​ക്ഷ​ത്ത്​ എ​ന്ന ചോ​ദ്യ​മാ​ണ്​ സാ​മൂ​ഹി​ക​മാ​യും രാ​ഷ്​​ട്രീ​യ​മാ​യും അ​പ്പോ​ൾ ഉ​യ​ർ​ന്നു​വ​രു​ക.  

Loading...
COMMENTS