Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഅഞ്ച്​ വിമത എം.പിമാരെ...

അഞ്ച്​ വിമത എം.പിമാരെ ചിരാഗ്​ പാസ്വാൻ എൽ.ജെ.പിയിൽ നിന്ന്​ സസ്​പെൻഡ്​ ചെയ്​തു

text_fields
bookmark_border
chirag paswan
cancel

പട്​ന: ചിരാഗ്​ പാസ്വാനെതിരെ വിമത നീക്കം നടത്തിയ അഞ്ച്​ എം.പിമാരെ ലോക്​ ജനശക്​തി പാർട്ടിയിൽ നിന്ന്​ സസ്​പെൻഡ്​ ചെയ്​തു. പാർട്ടി ദേശീയ അധ്യക്ഷ സ്​ഥാനത്ത്​ നിന്ന് ചിരാഗിനെ​ നീക്കിയതായി വാർത്തകൾ വന്നതിന്​ തൊട്ടുപിന്നാലെയാണ്​ വിമതർക്കെതിരായ നടപടി. നേരത്തെ അഞ്ച്​ വിമതർ ചേർന്ന്​ ചിരാഗിന്‍റെ പിതൃ സഹോദരനായ പശുപതി പരാസിനെ പാർലമെന്‍ററി പാർട്ടി നേതൃസ്​ഥാനത്ത്​ നിയോഗിച്ചതോടെ പാർട്ടിയിൽ പൊട്ടിത്തെറിയു​ണ്ടായിരുന്നു.

പശുപതി പരാസ്​, പ്രിൻസ്​ രാജ്​, ചന്ദൻ സിങ്​, വീണ ദേവി, മെഹബൂബ്​ അലി കേശർ എന്നിവരെയാണ്​ സസ്​പെൻഡ്​ ചെയ്​തത്​. വെർച്വലായി പാർട്ടിയുടെ ദേശീയ എക്​സിക്യൂട്ടീവ്​ ചേരുന്നതായി നോട്ടീസ്​ നൽകിയെങ്കിലും ഇവരിൽ നിന്ന്​ പ്രതികരണം ലഭിക്കാത്തതിനാൽ സസ്​പെൻഡ്​ ചെയ്യുകയായിരുന്നു.

വിവാദ വിഷയങ്ങളെ കുറിച്ച്​ വിശദീകരിക്കാൻ ബുധനാഴ്ച ഉച്ചക്ക്​ ഒരുമണിക്ക്​ ചിരാഗ്​ പാസ്വാൻ വാർത്താ സമ്മേളനം വിളിച്ചുചേർക്കുന്നുണ്ട്​.

ഒരാൾ ഒരു പദവി എന്ന നയം പിന്തുടർന്നാണ്​ വിമത എം.പിമാർ ചിരാഗിനെ അധ്യക്ഷപദവിയിൽ നിന്നും നീക്കം ചെയ്​തത്​. ദേശീയ അധ്യക്ഷ പദവിക്ക്​ പുറമേ എൽ.ജെ.പി പാർലമെന്‍ററി പാർട്ടി നേതാവ്​, പാർലമെന്‍ററി ബോർഡ്​ ചെയർമാൻ സ്ഥാനങ്ങൾ ചിരാഗായിരുന്നു വഹിച്ചിരുന്നത്​.

വിമതർ സുർജൻ ഭാനിനെ വർക്കിങ്​ പ്രസിഡന്‍റും തെരഞ്ഞെടുപ്പ്​ ഓഫീ​സറുമായി നിയമിച്ചു​. പാർട്ടിയുടെ ദേശീയ എക്​സിക്യൂട്ടീവ്​ വിളിക്കാനും അഞ്ച്​ ദിവസങ്ങൾക്കം ദേശീയ അധ്യക്ഷനെ തെരഞ്ഞെടുക്കാനും അ​ദ്ദേഹത്തിന്​ നിർദേശം നൽകിയിട്ടുണ്ട്​.

പട്​നയിൽ പാർട്ടി ഓഫീസിന്​ മുന്നി​ൽ വെച്ച്​ പ്രവർത്തകർ വിമതർക്കെതിരെ മുദ്രാവാക്യം വിളിച്ചു.

Show Full Article
TAGS:Lok Janshakti Party Chirag Paswan Pashupati Kumar Paras 
News Summary - 5 rebel MPs suspended by Chirag Paswan from Lok Janshakti Party
Next Story