കേന്ദ്ര സർക്കാറിനോട്​ അഞ്ചു ചോദ്യവുമായി കോൺഗ്രസ്​

ന്യൂഡൽഹി: പതിവിനു വിപരീതമായി പ്രധാനമന്ത്രി നരേന്ദ്രമോദി രംഗപ്രവേശം ചെ​യ്യാതെ തന്നെ ലോക്​ഡൗൺ മൂന്നാം വട്ടവും നീട്ടിയതി​​​​െൻറ സാംഗത്യം ചോദ്യം ചെയ്​ത്​ കോൺഗ്രസ്​. ഇതുമായി ബന്ധപ്പെട്ട്​ അഞ്ചു ചോദ്യങ്ങൾ പാർട്ടി ഉന്നയിച്ചു.
1. മൂന്നാംവട്ട ലോക്​ഡൗൺ എന്ത്​ ഉദ്ദേശിച്ചാണ്​? അതി​​​​െൻറ ലക്ഷ്യം എന്താണ്​? 
2. ഇനിയും ലോക്​ഡൗൺ നീ​ട്ടേണ്ടി വരുമോ? എന്നാണിത്​ പൂർണമായി അവസാനിക്കുന്നത്​?
3. മേയ്​ 17 ആകു​​​േമ്പാൾ കോവിഡ്​, സാമ്പത്തിക മഹാമാരികളുടെ കാര്യത്തിൽ കൈവരിക്കാൻ സർക്കാർ നിശ്ചയിച്ചിട്ടുള്ള ലക്ഷ്യം എന്താണ്​? അന്ന്​ തുടങ്ങുന്ന പുതിയ ക്രിയാത്​മക നടപടികൾ എന്തൊക്കെയാണ്​? 
4. മൂന്നാംഘട്ട ലോക്​ഡൗണിൽ നിന്ന്​ പുറത്തു കടക്കാനുള്ള തന്ത്രം എന്താണ്​? രാജ്യത്തിനായി പ്രധാനമന്ത്രി മുന്നോട്ടു വെക്കുന്ന നയവും രൂപരേഖയും എന്താണ്​?
5. 10 കോടി വരുന്ന അന്തർസംസ്​ഥാന തൊഴിലാളികളെ സുരക്ഷിതവും സമയബന്ധിതവുമായി നാട്ടിലെത്തിക്കുന്നതിനുളള സമയപരിധി എത്രയാണ്​?

ഏഴു നിർദേശങ്ങളും കോൺഗ്രസ്​ സർക്കാറിന്​ മുമ്പാകെ വെച്ചു:
1. അണ​ുമുക്​തമാക്കിയ ട്രെയിനുകളിൽ അന്തർസംസ്​ഥാന തൊഴിലാളിക​ളെ രണ്ടാഴ്​ചക്കുള്ളിൽ സൗജന്യമായി നാട്ടിൽ എത്തിക്കുന്നത്​ സർക്കാർ ആദ്യ ഉത്തരവാദിത്തമായി ഏറ്റെടുക്കണം. 
2. കർഷക തൊഴിലാളികളുടെയും മുതിർന്ന പൗരന്മാർ, ഭിന്നശേഷിയുള്ളവർ എന്നിവരുടെ അക്കൗണ്ടിലേക്ക്​ 7500 രൂപ അടിയന്തരമായി നൽകണം.
3. കാർഷിക വിളകൾ മിനിമം താങ്ങുവില നൽകി പൂർണമായും സർക്കാർ സംഭരിച്ച്​ ഒരു ദിവസത്തിനകം പണം നൽകണം.
4. ചെറുകിട ഇടത്തരം വ്യവസായങ്ങൾക്ക്​ രണ്ടു ലക്ഷം കോടി രൂപയുടെ ശമ്പള, വായ്​പ പാക്കേജ്​ പ്രഖ്യാപിക്കണം.
5. ഇടത്തരക്കാർക്കും ശമ്പളം പറ്റുന്നവർക്കും തൊഴിലില്ലാതാവുന്ന സാഹചര്യം ഇല്ലാതാക്കാൻ വേതന സംരക്ഷണ പാക്കേജ്​ പ്രഖ്യാപിക്കണം.
6. കോവിഡ്​ ടെസ്​റ്റിങ്​ വർധിച്ച തോതിലാക്കണം. ആരോഗ്യ പ്രവർത്തകർക്ക്​ പ്രതിരോധ സാമഗ്രികൾ ലഭ്യമാക്കണം.
7. പുതിയ പാർല​െമൻറ്​ മന്ദിരം അടക്കം അനാവശ്യ ചെലവുകൾ ഒഴിവാക്കണം.