ജ​ഡ്ജി നി​യ​മ​ന​ത്തി​ൽ സു​ഖ​ക​ര​മ​ല്ലാ​ത്ത നി​ല​പാ​ട് എ​ടു​പ്പി​ക്ക​രു​ത്, നടപടി ആസ്വാദ്യകരമാവില്ല –കേന്ദ്രത്തോട് സുപ്രീംകോടതി

ന്യൂ​ഡ​ൽ​ഹി: ജ​ഡ്ജി നി​യ​മ​ന​ത്തി​ൽ കേ​ന്ദ്ര സ​ർ​ക്കാ​റി​ന് സു​ഖ​ക​ര​മ​ല്ലാ​ത്ത നി​ല​പാ​ട് ത​ങ്ങ​ളെ​ക്കൊ​ണ്ട് എ​ടു​പ്പി​ക്ക​രു​തെ​ന്ന് സു​പ്രീം​കോ​ട​തി വെ​ള്ളി​യാ​ഴ്ച മു​ന്ന​റി​യി​പ്പ് ന​ൽ​കി. ഹൈ​കോ​ട​തി ജ​ഡ്ജി​മാ​രു​ടെ സ്ഥ​ലം മാ​റ്റ​ത്തി​നു​ള്ള ശി​പാ​ർ​ശ​ക​ൾ ഇ​നി​യും വെ​ച്ചു​താ​മ​സി​പ്പി​ച്ചാ​ൽ ത​ങ്ങ​ൾ എ​ടു​ക്കു​ന്ന ന​ട​പ​ടി കേ​​ന്ദ്ര​ത്തി​ന് ആ​സ്വാ​ദ്യ​ക​ര​മാ​വി​ല്ലെ​ന്നും ജ​സ്റ്റി​സ് സ​ഞ്ജ​യ് കി​ഷ​ൻ കൗ​ൾ അ​ധ്യ​ക്ഷ​നാ​യ ബെ​ഞ്ച് ഓ​ർ​മി​പ്പി​ച്ചു. ജ​ഡ്ജി​മാ​രു​ടെ നി​യ​മ​ന​ത്തി​ലും സ്ഥ​ലം മാ​റ്റ​ത്തി​ലും തീ​രു​മാ​ന​മെ​ടു​ക്കാ​ൻ കേ​ന്ദ്ര സ​ർ​ക്കാ​റി​ന് 10 ദി​വ​സം അ​നു​വ​ദി​ച്ച് കേ​സ് 13ലേ​ക്ക് മാ​റ്റി.

അ​ഞ്ചു സു​പ്രീം​കോ​ട​തി ജ​ഡ്ജി​മാ​രു​ടെ നി​യ​മ​ന​ത്തി​നു​ള്ള ശി​പാ​ർ​ശ ഞാ​യ​റാ​ഴ്ച​ക്ക​കം ഉ​ത്ത​ര​വാ​യി ഇ​റ​ങ്ങു​മെ​ന്നും രാ​ഷ്ട്ര​പ​തി​യു​​ടെ മു​ന്നി​ലേ​ക്ക് പോ​യി​ട്ടു​ണ്ടെ​ന്നും കേ​ന്ദ്ര സ​ർ​ക്കാ​റി​നു​വേ​ണ്ടി അ​റ്റോ​ണി ജ​ന​റ​ൽ വെ​ങ്കി​ട്ട ര​മ​ണി അ​റി​യി​ച്ചു. എ​ന്നാ​ൽ, ഹൈ​കോ​ട​തി ജ​ഡ്ജി​മാ​രു​ടെ സ്ഥ​ലം​മാ​റ്റ​ത്തി​നു​ള്ള ഉ​ത്ത​ര​വു​മാ​യി ബ​ന്ധ​പ്പെ​ട്ട വി​ഷ​യം അ​ടു​ത്ത ത​വ​ണ കേ​ൾ​ക്കാ​നാ​യി മാ​റ്റി​വെ​ക്ക​ണ​മെ​ന്നാ​യി​രു​ന്നു എ.​ജി​യു​ടെ ആ​വ​ശ്യം. ഇ​തി​ൽ ക​ടു​ത്ത അ​തൃ​പ്തി പ്ര​ക​ടി​പ്പി​ച്ച ജ​സ്റ്റി​സ് സ​ഞ്ജ​യ് കി​ഷ​ൻ കൗ​ൾ സ്ഥ​ലം മാ​റ്റ ശി​പാ​ർ​ശ​ക​ൾ ന​ട​പ​ടി എ​ടു​ക്കാ​തെ വെ​ക്കു​ന്ന​ത് ഏ​താ​നും ജ​ഡ്ജി നി​യ​മ​നം വൈ​കി​പ്പി​ക്കു​ന്ന​തി​നേ​ക്ക​ൾ ഗൗ​ര​മേ​റി​യ അ​തി​ക്ര​മ​മാ​ണെ​ന്ന് കേ​ന്ദ്ര​ത്തെ ഓ​ർ​മി​പ്പി​ച്ചു.

ഇ​നി​യും സ്ഥ​ലം​മാ​റ്റ തീ​രു​മാ​നം വൈ​കു​ന്ന​ത് കോ​ട​തി ന​ട​പ​ടി​യി​ലാ​കും ക​ലാ​ശി​ക്കു​ക​യെ​ന്നും അ​ത് കേ​ന്ദ്ര​ത്തി​ന് ആ​സ്വാ​ദ്യ​ക​ര​മാ​വി​ല്ലെ​ന്നും ബെ​ഞ്ച് ഓ​ർ​മി​പ്പി​ച്ചു. സ്ഥ​ലം മാ​റ്റ​ത്തി​ന് വ​ള​രെ മു​മ്പ് ശി​പാ​ർ​ശ ചെ​യ്യ​പ്പെ​ട്ട​വ​രി​ൽ ഒ​രു ജ​ഡ്ജി ഈ​മാ​സം 19ന് ​വി​ര​മി​ക്കു​ക​യാ​ണെ​ന്ന് അ​റി​യാ​മ​ല്ലോ എ​ന്ന് ബെ​ഞ്ച് ചോ​ദി​ച്ചു.

സ്ഥ​ലം മാ​റ്റ ഉ​ത്ത​ര​വ് ന​ട​പ്പാ​ക്കാ​ത്ത​ത് ത​ങ്ങ​ളെ വ​ല്ലാ​തെ പ്ര​ശ്ന​ത്തി​ലാ​ക്കു​ന്നു​ണ്ട് എ​ന്ന് ജ​സ്റ്റി​സ് കൗ​ൾ പ​റ​ഞ്ഞു. ഒ​രു കോ​ട​തി​യി​ൽ സേ​വ​ന​മ​നു​ഷ്ഠി​ക്കു​ന്ന ജ​ഡ്ജി​യെ മ​റ്റൊ​രു കോ​ട​തി​യി​ലേ​ക്ക് ​മാ​റ്റ​ണ​മെ​ന്ന് സു​പ്രീം​കോ​ട​തി ക​രു​തു​മ്പോ​ൾ കേ​ന്ദ്ര സ​ർ​ക്കാ​ർ അ​ത് ന​ട​പ്പാ​ക്കാ​തി​രി​ക്കു​ന്ന​ത് മ​റ്റെ​ന്തി​നേ​ക്കാ​ളും ഗൗ​ര​വ​മേ​റി​യ വി​ഷ​യ​മാ​ണ്. പു​തു​താ​യി ജ​ഡ്ജി​യെ നി​യ​മി​ക്കു​ന്ന കാ​ര്യ​ത്തി​ൽ കേ​ന്ദ്ര​ത്തി​ന് വ​ല്ല​തു​മൊ​ക്കെ പ​റ​യാ​നു​ണ്ടാ​കും. എ​ന്നാ​ൽ, സ്ഥ​ലം മാ​റ്റ​ത്തി​ലെ​ന്താ​ണ്? സ്ഥ​ലം​മാ​റ്റ കാ​ര്യ​ത്തി​ൽ മൂ​ന്നാം ക​ക്ഷി​യെ ക​ളി​ക്കാ​ൻ അ​നു​വ​ദി​ക്കി​ല്ലെ​ന്ന് ത​ങ്ങ​ൾ നേ​ര​ത്തേ പ​റ​ഞ്ഞ​താ​ണ്. അ​തി​നാ​ൽ സു​ഖ​ക​ര​മ​ല്ലാ​ത്ത ഒ​രു നി​ല​പാ​ട് ത​ങ്ങ​ളെ​ക്കൊ​ണ്ട് എ​ടു​പ്പി​ക്ക​രു​​​തെ​ന്നും ജ​സ്റ്റി​സ് കൗ​ൾ കൂ​ട്ടി​ച്ചേ​ർ​ത്തു.

തു​ട​ർ​ന്ന് ബെ​ഞ്ച് വെ​ള്ളി​യാ​ഴ്ച ഇ​റ​ക്കി​യ ഉ​ത്ത​ര​വി​ൽ ഇ​ങ്ങ​നെ രേ​ഖ​പ്പെ​ടു​ത്തി: ഏ​റെ​ക്കാ​ല​മാ​യി സ​ർ​ക്കാ​റി​ന് മു​ന്നി​ൽ കെ​ട്ടി​ക്കി​ട​ക്കു​ന്ന ഒ​രു കോ​ട​തി​യി​ൽ​നി​ന്ന് മ​​റ്റൊ​രു കോ​ട​തി​യി​ലേ​ക്കു​ള്ള ജ​ഡ്ജി​മാ​രു​ടെ സ്ഥ​ലം​മാ​റ്റ​ത്തി​ൽ മ​റ്റൊ​രു ചോ​ദ്യ​മു​ദി​ക്കു​ന്നി​ല്ലെ​ന്ന് അ​വ​സാ​ന വാ​ദം കേ​ൾ​ക്ക​ലി​ൽ എ.​ജി​യോ​ട് കോ​ട​തി പ​റ​ഞ്ഞ​താ​ണ്. കാ​ര​ണം, ഇ​തി​ൽ സ​ർ​ക്കാ​റി​ന് ഒ​രു റോ​ളു​മി​ല്ല. ഇ​തി​ൽ ഇ​നി​യും ഏ​തെ​ങ്കി​ലും ത​ര​ത്തി​ൽ കാ​ല​താ​മ​സ​മു​ണ്ടാ​യാ​ൽ സ​ർ​ക്കാ​റി​ന് ആ​സ്വാ​ദ്യ​ക​ര​മ​ല്ലാ​ത്ത ഭ​ര​ണ​പ​ര​മാ​യ കോ​ട​തി ന​ട​പ​ടി​ക​ളി​ലാ​ണ് അ​ത് ക​ലാ​ശി​ക്കു​ക.

അഞ്ച് സുപ്രീംകോടതി ജഡ്ജിമാർ ഞായറാഴ്ചക്കകം -കേന്ദ്രം

ന്യൂ​ഡ​ൽ​ഹി: അ​ഞ്ച് സു​പ്രീം​കോ​ട​തി ജ​ഡ്ജി​മാ​രു​ടെ നി​യ​മ​ന​ത്തി​ന് ക​ഴി​ഞ്ഞ വ​ർ​ഷം ഡി​സം​ബ​ർ 13ന് ​സു​പ്രീം​കോ​ട​തി കൊ​ളീ​ജി​യം ന​ൽ​കി​യ ശി​പാ​ർ​ശ ഈ ​ഞാ​യ​റാ​ഴ്ച​ക്ക​കം ന​ട​പ്പാ​ക്കു​മെ​ന്ന് അ​റ്റോ​ണി ജ​ന​റ​ൽ വെ​ങ്കി​ട്ട ര​മ​ണി സു​പ്രീം​കോ​ട​തി​യെ വെ​ള്ളി​യാ​ഴ്ച അ​റി​യി​ച്ചു. രാ​ജ​സ്ഥാ​ൻ ഹൈ​കോ​ട​തി ചീ​ഫ് ജ​സ്റ്റി​സ് പ​ങ്ക​ജ് മി​ത്ത​ൽ, പ​ട്ന ഹൈ​കോ​ട​തി ചീ​ഫ് ജ​സ്റ്റി​സ് സ​ഞ്ജ​യ് ക​രോ​ൾ, മ​ണി​പ്പൂ​ർ ഹൈ​കോ​ട​തി ചീ​ഫ് ജ​സ്റ്റി​സ് പി.​വി സ​ഞ്ജ​യ് കു​മാ​ർ, ഹൈ​കോ​ട​തി ജ​ഡ്ജി​മാ​രാ​യ ജ​സ്റ്റി​സ് അ​ഹ്സാ​നു​ദ്ദീ​ൻ അ​മാ​നു​ല്ല (പ​ട്ന), ജ​സ്റ്റി​സ് മ​നോ​ജ് മി​ശ്ര(​അ​ല​ഹ​ബാ​ദ്) എ​ന്നി​വ​രെ സു​പ്രീം​കോ​ട​തി ജ​ഡ്ജി​മാ​രാ​ക്കാ​നു​ള്ള പ​ഴ​യ ശി​പാ​ർ​ശ രാ​ഷ്ട്ര​പ​തി​ക്ക് മു​ന്നി​​ലെ​ത്തി​യ​താ​യി എ.​ജി വ്യ​ക്ത​മാ​ക്കി.

അ​ഞ്ച് സു​പ്രീം​കോ​ട​തി ജ​ഡ്ജി​മാ​രെ നി​യ​മി​ക്കാ​ൻ ഡി​സം​ബ​റി​ൽ ന​ൽ​കി​യ ശി​പാ​ർ​ശ എ​ന്താ​യെ​ന്നും ഇ​തി​പ്പോ​ൾ ഫെ​ബ്രു​വ​രി​യാ​യ​ല്ലോ എ​ന്നും ജ​സ്റ്റി​സു​മാ​രാ​യ സ​ഞ്ജ​യ് കി​ഷ​ൻ കൗ​ൾ, അ​ഭ​യ് എ​സ്. ഓ​ക എ​ന്നി​വ​ര​ട​ങ്ങി​യ ബെ​ഞ്ച് ​ചോ​ദി​ച്ച​പ്പോ​ൾ ഉ​ട​ൻ എ​ന്നാ​യി​രു​ന്നു എ.​ജി​യു​ടെ മ​റു​പ​ടി. അ​തോ​ടെ ‘സു​പ്രീം​കോ​ട​തി​യി​ലെ അ​ഞ്ച് ജ​ഡ്ജി​മാ​രു​ടെ നി​യ​മ​ന ഉ​ത്ത​ര​വ് അ​ഞ്ച് ദി​വ​സ​ത്തി​ന​കം ഇ​റ​ങ്ങു​മെ​ന്ന് എ.​ജി അ​റി​യി​ച്ചു’ എ​ന്ന് രേ​ഖ​പ്പെ​ടു​ത്താ​ൻ ബെ​ഞ്ച് തു​നി​ഞ്ഞ​പ്പോ​ൾ ആ ​നീ​ക്കം എ.​ജി ത​ട​ഞ്ഞു. സ​മ​യ​പ​രി​ധി രേ​ഖ​പ്പെ​ടു​ത്ത​രു​തെ​ന്നും നി​യ​മ​നം ന​ട​ക്കു​ക​യാ​ണ് എ​ന്ന് രേ​ഖ​പ്പെ​ടു​ത്താ​മെ​ന്നും എ.​ജി ബോ​ധി​പ്പി​ച്ചു. നി​യ​മ​നം ന​ട​ക്കു​ക​യാ​ണ് എ​ന്ന് പ​റ​യു​ക​യ​ല്ലാ​തെ എ​ന്നാ​ണി​ത് ന​ട​ക്കു​ക​യെ​ന്ന് ജ. ​കൗ​ൾ തി​രി​ച്ച​ടി​ച്ചു. അ​ടു​ത്ത വെ​ള്ളി​യാ​ഴ്ച​ത്തോ​ടെ എ​ങ്കി​ലും എ.​ജി സു​വാ​ർ​ത്ത അ​റി​യി​ക്കു​മെ​ന്ന് ബെ​ഞ്ച് പ്ര​തീ​ക്ഷ പ്ര​ക​ടി​പ്പി​ച്ച​പ്പോ​ൾ ഒ​രാ​ഴ്ച പോ​രെ​ന്നാ​യി വെ​ങ്കി​ട്ട​ര​മ​ണി. പ​ത്തു ദി​വ​സം ത​രാ​മെ​ന്നാ​യി സു​പ്രീം​കോ​ട​തി. അ​ഞ്ച് സു​പ്രീം​കോ​ട​തി ജ​ഡ്ജി​മാ​രു​ടെ നി​യ​മ​ന​ത്തി​നും ഹൈ​കോ​ട​തി ജ​ഡ്ജി​മാ​രു​ടെ സ്ഥ​ലം മാ​റ്റ​ത്തി​നും ഹൈ​കോ​ട​തി ചീ​ഫ് ജ​സ്റ്റി​സ് നി​യ​മ​ന​ത്തി​നും 10 ദി​വ​സം കൂ​ടി ന​ൽ​കു​ക​യാ​ണെ​ന്ന് ബെ​ഞ്ച് വ്യ​ക്ത​മാ​ക്കി.