അ‍ഞ്ച് മാസം പ്രായമായ കുഞ്ഞിന്റെ വീട്ടിലെ വാട്ടർ ടാങ്കിൽ നിന്ന് കണ്ടെത്തി; പരസ്പരം പഴിചാരി മാതാപിതാക്കൾ

ലഖ്നോ: ഉത്തർപ്രദേശിലെ ബസ്തിയിൽ അ‍ഞ്ച് മാസം പ്രായമായ പെൺകുഞ്ഞിന്റെ മൃതദേഹം വീടിന്റെ വാട്ടർ ടാങ്കിൽ നിന്നും കണ്ടെത്തി. ഞായറാഴ്ചയായിരുന്നു സംഭവം. അഞ്ച് വയസുകാരി കൃഷ്ണയുടെ മൃതദേഹമാണ് വീടിന്റെ മുകൾ നിലയിലുള്ള ടാങ്കിൽ നിന്നും കണ്ടെത്തിയത്.

കുട്ടിയുടെ അച്ഛനും അച്ഛന്റെ സഹോദരിയും മറ്റ് അം​ഗങ്ങളും ഒരു ചടങ്ങിൽ പങ്കെടുത്ത് തിരിച്ചെത്തിയപ്പോഴാണ് കുഞ്ഞ് മരണപ്പെട്ട വിവരമറിയുന്നത്. കുട്ടിയുടെ അമ്മയാണ് കൊലപാതകത്തിന് പിന്നിലെന്നാണ് പിതാവിന്റെ ആരോപണം. എന്നാൽ പിതാവിന്റെ കുടുംബമാണ് കൊലപാതകത്തിന് പിന്നിലെന്നാണ് അമ്മയുടെ ആരോപണം. കേസിൽ അന്വേഷണം പുരോ​ഗമിക്കുകയാണ്.