ബീഹാറിൽ ലാലുവിന്​ തിരിച്ചടി; അഞ്ച്​ എം.എൽ.സിമാർ ജെ.ഡി.യുവിൽ ചേർന്നു

പട്​ന: ലാലു പ്രസാദ്​ യാദവി​​െൻറ ആർ.ജെ.ഡിക്ക്​ കനത്ത തിരിച്ചടി നൽകി ബീഹാറിൽ എം.എൽ.സിമാരുടെ കൂറുമാറ്റം. അഞ്ച്​ എൽ.എൽ.സിമാരാണ്​ നിതീഷ്​ കുമാറി​​െൻറ നേതൃത്വത്തിലുള്ള ജെ.ഡി.യുവിൽ ചേർന്നത്​.

ആർ.ജെ.ഡി വൈസ്​ പ്രസിഡൻറും മുതിർന്ന നേതാവുമായ രഘുവനാശ്​​ പ്രസാദും പദവിയൊഴിഞ്ഞിട്ടുണ്ട്​. സഞ്​ജയ്​ പ്രസാദ്​, എം.ഡി കമർ അലം, രാധാ ചരൺ സേത്ത്​, ദിലീപ്​ റായ്​, രൺവിജയ്​ സിങ്​ എന്നിവരാണ്​ പാർട്ടി വിട്ട എം.എൽ.സിമാർ​.

ആകെയുള്ള എട്ട്​ എം.എൽ.സിമാരിൽ അഞ്ച്​ പേരും പാർട്ടി വിട്ടതുകൊണ്ട്​ ഇവർക്ക്​ കൂറുമാറ്റ നിരോധന നിയമം ബാധകമാവില്ല. ഇതുമായി ബന്ധപ്പെട്ട്​ ജെ.ഡി.യു ചീഫ്​ വിപ്പ്​ റീന നിയമസഭ കൗൺസിൽ ചെയർമാന്​ കത്ത്​ നൽകിയിട്ടുണ്ട്​.