Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightബിഹാർ: സീറ്റ്​...

ബിഹാർ: സീറ്റ്​ മോഹികളായ അഞ്ച്​ ബി.ജെ.പിക്കാർക്കും ഒരു ജെ.ഡി.യുക്കാരനും എൽ.ജെ.പി സ്​ഥാനാർഥിത്വം

text_fields
bookmark_border
ബിഹാർ: സീറ്റ്​ മോഹികളായ അഞ്ച്​ ബി.ജെ.പിക്കാർക്കും ഒരു ജെ.ഡി.യുക്കാരനും എൽ.ജെ.പി സ്​ഥാനാർഥിത്വം
cancel
camera_alt

ചിരാഗ്​ പാസ്വാൻ

പട്​ന: ബിഹാർ തെരഞ്ഞെടുപ്പിനുള്ള എൽ.ജെ.പിയുടെ (ലോക്​ ജനശക്​തി പാർട്ടി) ആദ്യ ഘട്ട സ്​ഥാനാർഥി പട്ടികയിൽ ബി.ജെ.പി വി​ട്ടെത്തിയ അഞ്ച്​ പേർക്കും ഒരു ജെ.ഡി.യുക്കാരനും ഇടംനൽകി. 42 അംഗ സ്​ഥാനാർഥിപട്ടികയിലാണ്​ ബി.ജെ.പിയിൽ നിന്നും ജെ.ഡി.യുവിൽ നിന്നും ടിക്കറ്റ്​ ലഭിക്കാത്തതിനെത്തുടർന്ന്​ എൽ.ജെ.പിയിലെത്തിയവർ ഉൾപെട്ടത്​​.

അടുത്തിടെ ബി.ജെ.പി വിട്ട്​ എൽ.ജെ.പിയിലെത്തിയ രാജേന്ദ്ര സിങ്​, രാമേശ്വർ ചൗരസ്യ, ഉഷ വിദ്യാർഥി എന്നിവർക്ക്​ യഥാക്രമം ദിനാര, സസാറം, പാലിഗഞ്ച്​ സീറ്റുകൾ ലഭിച്ചു. 'എ​െൻറ തീരുമാനം പുനപരിശോധിക്കാനാവശ്യ​പ്പെട്ട്​ ബി.ജെ.പി ദേശീയ പ്രസിഡൻറ്​ ജെ.പി. നഡ്ഡ ബന്ധ​പ്പെട്ടിരുന്നു. എന്നാൽ അനുഭാവികളുടെ അഭ്യർഥന മാനിച്ച്​ എൽ.ജെ.പിക്കൊപ്പം നിൽക്കാൻ തീരുമാനിക്കുകയായിരുന്നു' -ചൗരസ്യ പറഞ്ഞു.

മറ്റൊരു ബി.ജെ.പി വിമതനായ രവീന്ദ്ര യാദവ്​ ഝഝ മണ്ഡലത്തിൽ നിന്നും എൽ.ജെ.പി ടിക്കറ്റിൽ മത്സരിക്കും. കഴിഞ്ഞ തെരഞ്ഞെടുപ്പിൽ അമർപൂരിൽ ബി.ജെ.പി ടിക്കറ്റിൽ തോറ്റ മൃണാൽ ശേഖർ ഇക്കുറി അതേ മണ്ഡലത്തിൽ എൽ.ജെ.പിക്കായി ജനവിധി തേടും.

മറ്റൊരു ബി.ജെ.പി നേതാവായ ഇന്ദു ദേവി കശ്യപ്​ ജഹാനാബാദിൽ നിന്നും ജെ.ഡിയുവിൽ നിന്നെത്തിയ ഭഗവാൻ സിങ്​ കുശ്​വാര ജഗദീഷ്​പൂരിൽ നിന്നും മത്സരിക്കും. ശേഖരപുരയിൽ മത്സരിക്കുന്ന ഇമാം ഗജാലിയാണ്​ സ്​ഥാനാർഥിപ്പട്ടികയിലെ ഏക മുസ്​ലിം. എട്ട്​ വനിതകൾ പട്ടികയിൽ ഇടം നേടി. പട്ടികജാതിക്കാരായ പാസ്വാൻമാർക്കും, സവർണർ, ഒ.ബി.സി വിഭാഗങ്ങൾക്കും ഇടം നൽകി സാമുദായിക സന്തുലനം പാലിച്ചാകണം സീറ്റ്​ വിഭജനമെന്ന്​ പാർട്ടി അതാത്​ ജില്ല പ്രസിഡൻറ്​മാർക്ക്​ നിർദേശം നൽകിയിരുന്നു.

എൽ.ജെ.പി നേതാവും കേന്ദ്രമന്ത്രിയുമായിരുന്ന​ റാം വിലാസ്​ പാസ്വാൻ വ്യാഴാഴ്​ച അന്തരിച്ചിരുന്നു. സംസ്​ഥാന രാഷ്​ട്രീയത്തിൽ നിർണായക ശക്​തിയാകാൻ നിശ്ചയിച്ചുറപ്പിച്ചാണ്​ പാർട്ടി അധ്യക്ഷൻ ചിരാഗ്​ പാസ്വാൻ തെരഞ്ഞെടുപ്പിൽ എൻ.ഡി.എ വിട്ട്​ ഒറ്റക്ക്​ മത്സരിക്കാൻ തീരുമാനിച്ചത്​.

ബി.ജെ.പിയുമായി വിയോജിപ്പൊന്നുമില്ലെങ്കിലും ജെ.ഡി.യു അധ്യക്ഷൻ നിതീഷ്​ കുമാറും ചിരാഗും തമ്മിലുള്ള ഉടക്കാണ്​ പാർട്ടി മുന്നണി വിടാനുണ്ടായ സാഹചര്യം. തെരഞ്ഞെടുപ്പിന്​ ശേഷമുള്ള സഖ്യം മതിയെന്ന നിലപാടാണ്​ അനുരഞജനത്തിന്​ ശ്രമിച്ച ബി.ജെ.പി നേതാക്കളോട്​ ചിരാഗ്​ വ്യക്തമാക്കിയത്​.

Show Full Article
TAGS:LJP Bihar Election Chirag Paswan 
Next Story