രാജസ്ഥാനിൽ കുടുങ്ങിയ 480 വിദ്യാർഥികളെ ഡൽഹിയിലെത്തിച്ചു

ന്യൂഡൽഹി: രാജസ്ഥാനിലെ കോട്ടയിൽ കുടുങ്ങിയ 480 വിദ്യാർഥികളെ ഡൽഹിയിലെത്തിച്ചു. 40 ബസുകളിലായി കശ്മീരി ഗേറ്റ് ബസ് ടെർമിനിലിലാണ് സംഘമെത്തിയത്. മെഡിക്കൽ പരിശോധനക്ക് ശേഷം വിദ്യാർഥികളെ വീടുകളിലെത്തിക്കുമെന്ന് ഡൽഹി ട്രാൻസ്പോർട്ട് മന്ത്രി കൈശേഷ് ഗെഹ്ലോട്ട് അറിയിച്ചു. 

മെഡിക്കൽ, എൻജിനീയറിങ് മത്സര പരീക്ഷകൾക്കായി എത്തിയ വിദ്യാർഥികൾ ലോക്ഡൗണിനെ തുടർന്നാണ് കോട്ടയിൽ കുടുങ്ങിയത്. വിദ്യാർഥികളെ മടക്കികൊണ്ടു വരണമെന്ന് ആവശ്യപ്പെട്ട് രക്ഷിതാക്കൾ ഡൽഹി സർക്കാറിനെ സമീപിക്കുകയായിരുന്നു.