വർഗീയ പരാമർശം: കപിൽ മിശ്രക്ക്​ 48 മണിക്കൂർ തെരഞ്ഞെടുപ്പ്​ പ്രചാരണ വിലക്ക്

ന്യൂഡൽഹി: വർഗീയ പരാമർശമുള്ള ട്വീറ്റിട്ടതിന്​ ബി.ജെ.പി നേതാവ്​ കപിൽ മിശ്രയെ 48 മണിക്കൂർ തെരഞ്ഞെടുപ്പ്​ പ്രചാരണ ത്തിൽ നിന്ന്​ വിലക്കി. ശനിയാഴ്​ച വൈകീട്ട്​ അഞ്ച്​ മുതൽ 48 മണിക്കൂർ നേരത്തേക്കാണ്​ വിലക്ക്​ ഏർപ്പെടുത്തിയിരിക് കുന്നത്​. ഡൽഹി പൊലീസാണ്​ വിലക്ക്​ ഏർപ്പെടുത്തിയ വിവരം അറിയിച്ചത്.

രാഷ്​ട്രതലസ്ഥാനത്തെ മിനി പാകിസ്​താനെന്ന വിശേഷിപ്പിച്ച കപിൽ മിശ്രയുടെ ട്വീറ്റാണ്​ വിവാദമായത്​. പൗരത്വ ഭേദഗതി നിയമത്തിനെതിരെ പ്രതിഷേധം നടത്തുന്ന ഷഹീൻബാഗ്​ മിനി പാകിസ്​താനിലേക്കുള്ള കവാടമാണെന്നായിരുന്നു കപിൽ മിശ്ര ട്വീറ്റിൽ വ്യക്​തമാക്കിയത്​​.

ഷഹീൻബാഗ്​, ചന്ദബാഗ്​, ഇ​​​ന്ദോർലോക്​ എന്നിവടങ്ങളിൽ മിനി പാകിസ്​താനുകളുണ്ടെന്നും അദ്ദേഹം വ്യക്​തമാക്കിയിരുന്നു. പരാമർശത്തിനെതിരെ കേസെടുക്കാൻ കേന്ദ്ര തെരഞ്ഞെടുപ്പ്​ കമ്മീഷൻ നേരത്തെ നിർദേശം നൽകിയിരുന്നു.​