ഇന്ത്യയിൽ കോവിഡ്​ രോഗികളുടെ പ്രതിദിന വർധന വീണ്ടും 40,000 കടന്നു

ന്യൂഡൽഹി: രാജ്യത്ത്​ കോവിഡ്​ രോഗികളുടെ എണ്ണം വീണ്ടും 40,000 കടന്നു. 40,953 പേർക്കാണ്​ ശനിയാഴ്ച രാജ്യത്ത്​ കോവിഡ്​ സ്ഥിരീകരിച്ചത്​. നവംബർ 29ന്​ ശേഷമുള്ള ഏറ്റവും ഉയർന്ന പ്രതിദിന വർധനയാണിത്​.

കഴിഞ്ഞ 24 മണിക്കൂറിനിടെ 188 പേർ രോഗം ബാധിച്ച്​ മരിച്ചു. 1,59,558 പേരാണ്​ ഇതുവരെ രോഗം ബാധിച്ച്​ മരിച്ചത്​. മഹാരാഷ്​ട്ര, പഞ്ചാബ്​ കേരള, കർണാടക, ഗുജറാത്ത്​ തുടങ്ങിയ സംസ്ഥാനങ്ങളിലാണ്​ കോവിഡ്​ രോഗികളുടെ എണ്ണം ഏറ്റവും കൂടുതൽ.

1,15,55,284 പേർക്കാണ്​ ഇതുവരെ കോവിഡ്​ ബാധിച്ചത്​. 1,11,07,332 പേർ രോഗമുക്​തരായി. 2,88,394 പേരാണ്​ നിലവിൽ ചികിത്സയിലുള്ളത്​. 4,20,63,392 പേർക്ക്​ ഇതുവരെ വാക്​സിൻ നൽകിയിട്ടുണ്ടെന്നും ആരോഗ്യമന്ത്രാലയം അറിയിച്ചു.