ഝാർഖണ്ഡിൽ 66 കടകളിൽ നിന്നായി മോഷ്ടിച്ചത് 40 കിലോ തക്കാളി

ന്യൂഡൽഹി: വില കുതിച്ചുയരുന്നതിനിടെ വീണ്ടും തക്കാളി മോഷണം.ഝാർഖണ്ഡിലെ പച്ചക്കറി മാർക്കറ്റിലെ വിവിധ കടകളിൽ നിന്ന് 40 കിലോ തക്കാളിയാണ് മോഷ്ടിച്ചത്. 66 കടകളിൽ നിന്നായാണ് മോഷണം. തക്കാളിയോടൊപ്പം 10 കിലോഗ്രാം ഇഞ്ചിയും രണ്ട് ലക്ഷം വിലമതിക്കുന്ന ത്രാസുകളും മോഷണം പോയിട്ടുണ്ടെന്ന് കച്ചവടക്കാർ പൊലീസിൽ നൽകിയ പരാതിയിൽ പറയുന്നു.

ഉത്തരേന്ത്യയിലുണ്ടായ കനത്തമഴയാണ് തക്കാളി വില കുതിച്ചുയരുന്നതിന് കാരണമായത്. നിലവിൽ കിലോക്ക് 250 രൂപയാണ് ഡൽഹിയിലെ തക്കാളി വില.