ശാഹീൻ ബാഗ്​ സമരത്തിലെ കുട്ടികൾ: സർക്കാറുകൾക്ക്​ നോട്ടീസയച്ച്​ സുപ്രീം ​കോടതി

ന്യൂഡൽഹി: പൗരത്വ ഭേദഗതി നിയമത്തിനെതിരെ ശാഹീൻബാഗിൽ നടക്കുന്ന പ്രതിഷേധത്തിൽ കുട്ടികൾ പ​​ങ്കെടുക്കുന്നത്​ സം ബന്ധിച്ച്​ വിശദീകരണം തേടി കേ​ന്ദ്ര സർക്കാറിനും ഡൽഹി സർക്കാറിനും സുപ്രീം കോടതി നോട്ടീസ്​ നൽകി.

മാതാപിതാ ക്കൾക്കൊപ്പം ശാഹീൻബാഗിൽ നിന്ന്​ മടങ്ങിയ പിഞ്ചുകുഞ്ഞ്​ മരിച്ച സംഭവത്തിൽ സ്വമേധയാ എടുത്ത കേസിൽ വാദം കേട്ട ശേഷ മായിരുന്നു ഇത്​.
കുഞ്ഞുങ്ങളുടെ കാര്യത്തിൽ ഉത്​കണ്​ഠയുണ്ടെന്നും അവരെ ഇങ്ങനെയല്ല കൈകാര്യം ചെയ്യേണ്ടതെന്നും​ പറഞ്ഞ കോടതി, നാലുമാസം പ്രായമുള്ള കുഞ്ഞ്​ പ്രതിഷേധിക്കാൻ പോകുമോയെന്ന ചോദ്യവും ഉന്നയിച്ചു.

ശാഹീൻ ബാഗിലെ സമരപ്പന്തലിൽ തുടർച്ചയായി മാതാപിതാക്കൾക്കൊപ്പം വന്നിരുന്ന മുഹമ്മദ്​ ജഹാൻ എന്ന നാലുമാസക്കാരൻ ജനുവരി 30ന്​ മരിച്ചിരുന്നു. ശാഹീൻ ബാഗ്​ സമര സംഘാടകരും മാതാപിതാക്കളും കുട്ടിയെ സംരക്ഷിക്കുന്നതിൽ പരാജിതരായെന്നും അതാണ്​ മരണകാരണമെന്നും​ ചൂണ്ടിക്കാട്ടി 2019ൽ ധീരതക്കുള്ള ദേശീയ അവാർഡ്​ നേടിയ മുംബൈയിലെ സെൻ ഗുൻരതൻ സദവർതെ എന്ന 12കാരി അയച്ച കത്തി​​​െൻറ അടിസ്​ഥാനത്തിലാണ്​ കോടതി കേസെടുത്തത്​. സമരത്തിൽ കുട്ടികളെ പ​ങ്കെടുപ്പിക്കുന്നത്​ തടയണമെന്നും സദവർതെ കത്തിൽ ആവശ്യപ്പെട്ടിരുന്നു.

വാദത്തിനിടെ നാല്​ മാസം പ്രായമുള്ള കുട്ടി പ്രതിഷേധിക്കാൻ പോകുമോയെന്ന്​ ചീഫ്​ ജസ്​റ്റിസ്​ എസ്​.എ. ബോബ്​ഡെ അധ്യക്ഷനായ ബ​ഞ്ച്​ മരിച്ച കുഞ്ഞി​​​െൻറ അമ്മയടക്കമുള്ളവർക്കുവേണ്ടി ഹാജരായ അഭിഭാഷകനോട്​ ചോദിച്ചു. ശാഹീൻ ബാഗിലെ വിദ്യാർഥികളെ സ്​കൂളുകളിൽ ‘പാകിസ്​താനി’ എന്നും ‘തീവ്രവാദി’ എന്നും വിളിക്കുന്നതായി അഭിഭാഷകൻ കോടതിയെ ബോധിപ്പിച്ചു.

എന്നാൽ, ഇപ്പോൾ പരിഗണിക്കുന്ന കേസുമായി ബന്ധമില്ലാത്ത ഇത്തരം കാര്യങ്ങൾ പരാമർശിക്കേണ്ടതില്ല എന്നായിരുന്നു ചീഫ്​ ജസ്​റ്റിസി​​​െൻറ മറുപടി. ‘ഇത്​ സി.എ.എ, എൻ.ആർ.സി എന്നിവക്കെതിരെയോ വിദ്യാർഥികളെ പാകിസ്​താനി എന്ന്​ കളിയാക്കുന്നതിനെതിരെയോ ഉള്ള കേസല്ലെന്നും കോടതി ചൂണ്ടിക്കാട്ടി.