Begin typing your search above and press return to search.
exit_to_app
exit_to_app
35Percent of Uttar Pradesh assembly members face criminal cases
cancel
Homechevron_rightNewschevron_rightIndiachevron_rightയു.പി എം.എൽ.എമാരിൽ 35...

യു.പി എം.എൽ.എമാരിൽ 35 ശതമാനം പേരും ക്രിമിനൽ കേസ് പ്രതികൾ​; ഏഴുപേർക്കെതിരെ കൊലക്കുറ്റവും

text_fields
bookmark_border

ലഖ്​നോ: ഉത്തർപ്രദേശ്​ നിയമസഭ സാമാജികരിൽ 35 ശതമാനം പേ​ർക്കെതിരെയും ക്രിമിനൽ കേസുകൾ. അസോസിയേഷൻ ഫോർ ഡെമോക്രാറ്റിക്​ റീ​ംഫോസ്​ അനാലിസിസ്​ പുറത്തുവിട്ടതാണ്​ കണക്കുകൾ. അടുത്തവർഷം നിയമസഭ​ തെരഞ്ഞെടുപ്പ്​ നടക്കാനിരിക്കേയാണ്​ വിശകലനം.

യു.പി നിയമസഭയിൽ 369 അംഗങ്ങളാണുള്ളത്​. 35 ശതമാനം പേ​ർക്കെതിരെ ക്രിമിനൽ കേസുകളുണ്ട്​. ഇതിൽ 27 ശതമാനംപേർ ഗുരുതരമായ ക്രിമിനൽ കുറ്റകൃത്യങ്ങളിൽ പ്രതികളാണ്​. ഏഴുപേർക്കെതിരെ കൊലപാതക കുറ്റം നിലനിൽക്കുന്നു. 36 പേർക്കെതിരെ കൊലപാതക ശ്രമത്തിനും രണ്ടുപേർക്കെതിരെ സ്​ത്രീകൾക്കെതിരായ അതിക്രമങ്ങൾക്കും കേസുണ്ട്​.

'യു.പി ഭരിക്കുന്ന ബി.ജെ.പിയുടെ 304 പേരിൽ 106പേരും സമാജ്​വാദി പാർട്ടിയുടെ 49 എം.എൽ.എമാരിൽ 18 പേരും ബി.എസ്​.പിയുടെ 16 എം.എൽ.എമാരിൽ അഞ്ചുപേരും കോൺ​ഗ്രസിന്‍റെ ഏഴു എം.എൽ.എമാരിൽ ഒരാളു​ം ക്രിമിനൽ കേസുകളിൽ​ പ്രതികളാണെന്ന്​ തെരഞ്ഞെടുപ്പ്​ സത്യവാങ്​മൂലത്തിൽ പറയുന്നു' -എ.ഡി.ആർ റിപ്പോർട്ടിൽ പറയുന്നു.

ബി.എസ്​.പിയുടെ മുക്താർ അൻസാരിയും നിർബൽ ഇന്ത്യൻ ശോഷിത്​ ഹമാരാ ആം ദളിന്‍റെ വിജയ്​ കുമാറും 16 ക്രിമിനൽ കേസുകൾ നേരിടുന്നു. ക്രിമിനൽ കേസുകൾ നേരിടുന്ന എം.എൽ.എമാരുടെ എണ്ണം മുൻവർഷത്തെ അപേക്ഷിച്ച്​ കുറവാണെന്നാണ്​ എ.ഡി.ആറിന്‍റെ കണ്ടെത്തൽ. 2012ൽ എ.ഡി.ആർ സർവേയിൽ 403 പേരിൽ 47 ശതമാനം പേരും ക്രിമിനൽ കേസുകൾ നേരിടുന്നതായി വ്യക്തമാക്കിയിരുന്നു.

യു.പി നിയമസഭയിലെ 313 എം.എൽ.എമാരും കോടിപതികളാണ്​. ബി.ജെ.പിയുടെ 304 എം.എൽ.എമാരിൽ 235 പേരാണ്​ കോടിപതികൾ. എസ്​.പിയുടെ 49 എം.എൽ.എമാരിൽ 42 പേരും ബി.എസ്​.പിയുടെ 15 എം.എൽ.എമാരും കോൺഗ്രസിന്‍റെ അഞ്ച്​ എം.എൽ.എമാരും കോടിപതികളാണ്​.

എം.എൽ.എമാരിൽ 95 പേർ സ്​കുൾ പഠനം പൂർത്തിയാക്കിയിട്ടില്ല. നാലുപേർ നിരക്ഷരരും അഞ്ച​ുപേർ ഡി​േ​പ്ലാമ കോഴ്​സ്​ പഠിച്ചവരുമാണെന്നും കണക്കുകൾ സൂചിപ്പിക്കുന്നു.

Show Full Article
TAGS:UP election 2022 BJP SP BSP 
News Summary - 35Percent of Uttar Pradesh assembly members face criminal cases
Next Story