സ്വകാര്യ സ്​ഥാപനങ്ങളിൽ മൂന്നിലൊന്ന്​ ജീവനക്കാരാകാം; കേന്ദ്രത്തിന്‍റെ ലോക്​ഡൗൺ ഇളവുകൾ ഇങ്ങനെ

ന്യൂഡൽഹി: ലോക്​ഡൗൺ മേയ്​ 17 വരെ നീട്ടിയെങ്കിലും ചില മേഖലകളിൽ ഇളവുകൾ പ്രഖ്യാപിച്ച്​ കേന്ദ്ര ആഭ്യന്തരമന്ത്രാലയം. പ്രധാന ഇളവുകളും നിയന്ത്രണങ്ങളും ഇവയാണ്​:

1. സ്വകാര്യസ്​ഥാപനങ്ങൾ തുറന്നു പ്രവർത്തിക്കാം. എന്നാൽ 33 ശതമാനം ജീവനക്കാർ മാത്രമേ പാടുള്ളൂ. ബാക്കിയുള്ളവർക്ക്​ വീട്ടിലിരുന്ന്​ ​േജാലി ചെയ്യാം. 

2. വളരെ കുറച്ച്​ കോവിഡ്​ കേസുകൾ മാത്രം റിപ്പോർട്ട്​ ചെയ്​തതോ, കോവിഡ്​ ഇല്ലാത്തതോ ആയ മേഖലകളിൽ വ്യവസായ സ്​ഥാപനങ്ങൾ തുറക്കാം. 

3. ഗ്രീൻ, ഓറഞ്ച്​ സോണുകളിൽ മദ്യ​ഷാപ്പുകൾ തുറക്കുന്നത്​ സംബന്ധിച്ച്​ അതതു സംസ്​ഥാന സർക്കാരുകൾക്ക്​ തീരുമാനമെടുക്കാം. അടച്ചിടണമെങ്കിൽ അങ്ങനെയുമാകാം. ഒരുസമയം, അഞ്ചുപേർക്ക്​ സാമൂഹിക അകലം പാലിച്ച്​ മദ്യം വാങ്ങാനാണ്​ അനുമതിയുള്ളത്​. 

4. റെഡ്​ സോണിലുള്ള ഐ.ടി കമ്പനികൾ, മാധ്യമസ്​ഥാപനങ്ങൾ, കോൾ സ​​​െൻററുകൾ, കോൾഡ്​ സ്​റ്റോറേജുകൾ, വെയർഹൗസിങ്​ സ്​ഥാപനങ്ങൾ, സ്വകാര്യ സുരക്ഷ ഏജൻസികൾ, സ്വയംതൊഴിൽ സംരംഭകർ എന്നിവർക്ക്​ പ്രവർത്തിക്കാം. എന്നാൽ ഇവിടങ്ങളിൽ ബാർബർ ഷോപ്പുകളും ഹെയർ സലൂണുകളും തുറക്കില്ല. 

5. ഓറഞ്ച്​ സോണിൽ ടാക്​സി വാഹനങ്ങൾ അനുവദിച്ചിട്ടുണ്ട്​. എന്നാൽ ടാക്​സിയിൽ ഡ്രൈവറെ കൂടാതെ ഒരു യാത്രക്കാരനെ മാത്രമേ അനുവദിക്കൂ. ഇരുചക്രവാഹനങ്ങളിൽ രണ്ടുപേർക്ക്​ യാത്ര ചെയ്യാം. ഗ്രീൻ സോണുകളിൽ 50 ശതമാനം ആളുകളെ ഉൾപ്പെടുത്തി ബസ്​സർവീസ്​ അനുവദിക്കും. 

 6. റെഡ്​സോണിൽ ഗ്രാമീണ മേഖലകളിലെ വ്യവസായ-നിർമാണ പ്രവർത്തനങ്ങൾ പുനരാരംഭിക്കാം. നഗരങ്ങളിൽ മാളുകൾ ഒഴികെയുള്ള കടകൾ തുറക്കാം. എല്ലാ വിധ കാർഷികപ്രവർത്തനങ്ങൾക്കും അനുമതിയുണ്ട്​. 

7. എല്ലാ സോണുകളില​ും 10 വയസിൽ താഴെയുള്ളവർ, 65 വയസിനു മുകളിലുള്ളവർ, ഗർഭിണികൾ, മറ്റ്​ ഗുരുതര രോഗങ്ങൾ ഉള്ളവർ എന്നിവർ വീടുകളിൽ നിന്ന്​ പുറത്തിറങ്ങാൻ പാടില്ല. ഇവർക്ക്​ ആരോഗ്യപരമായ കാരണങ്ങൾ മുൻനിർത്തി ചികിത്സക്കും മറ്റും ഉപാധികളോടെ പുറത്തുപോകാൻ അനുമതിയുണ്ട്​. 

8. രാജ്യത്തുടനീളം കൂടുതൽ ആളുകൾ കൂടാൻ സാധ്യതയുള്ള  വിദ്യാഭ്യാസ സ്​ഥാപനങ്ങൾ, കോച്ചിങ്​ സ​​​െൻററുകൾ, ഹോട്ടലുകൾ, റസ്​റ്റാറൻറുകൾ, സിനിമ പ്രദർശന ശാലകൾ, മാളുകൾ, ജിംനേഷ്യം കേന്ദ്രങ്ങൾ, സ്​പോർട്​സ്​ കോംപ്ലക്​സ്​, പള്ളികൾ പോലുള്ള മതപരമായ കേന്ദ്രങ്ങൾ എന്നിവ പ്രവർത്തിക്കില്ല. 

9. സർക്കാർ അനുമതിയോടെ അനിവാര്യ സാഹചര്യങ്ങളിൽ റോഡ്​, റെയിൽ, ഗതാഗതങ്ങൾ വഴി സഞ്ചരിക്കാം. 

10. സർക്കാർ സ്​ഥാപനങ്ങളിലെ ജീവനക്കാർക്ക്​ ആരോഗ്യസേതു ആപ്​ നിർബന്ധം.