പൊ​ലീ​സ് ഉ​ദ്യോ​ഗ​സ്ഥ​നെ വ​ധി​ച്ച കേ​സി​ൽ 30 പേ​ർ​ക്ക് ജീ​വ​പ​ര്യ​ന്തം

ജ​യ്പു​ർ: പൊ​ലീ​സ് ഉ​ദ്യോ​ഗ​സ്ഥ​നാ​യ ഫൂ​ൽ മു​ഹ​മ്മ​ദി​നെ കൊ​ല​പ്പെ​ടു​ത്തി​യ കേ​സി​ൽ 30 പ്ര​തി​ക​ൾ​ക്ക് രാ​ജ​സ്ഥാ​ൻ സ​വാ​യ് മ​ധോ​പു​ർ ​ജി​ല്ല പ്ര​ത്യേ​ക കോ​ട​തി ജീ​വ​പ​ര്യ​ന്തം ത​ട​വു​ശി​ക്ഷ വി​ധി​ച്ചു. സി.​ബി.​ഐ​യാ​ണ് കേ​സ് അ​ന്വേ​ഷി​ച്ച​ത്.

ശി​ക്ഷ ല​ഭി​ച്ച​വ​രി​ൽ പൊ​ലീ​സ് മു​ൻ ഡി​വൈ.​എ​സ്.​പി​യും ഉ​ൾ​പ്പെ​ടും. 49 പേ​രെ കു​റ്റ​മു​ക്ത​രാ​ക്കി.2011 മാ​ർ​ച്ചി​ൽ സു​ർ​വ​ൽ ഗ്രാ​മ​ത്തി​ൽ കൊ​ല​പാ​ത​ക കേ​സി​ൽ പൊ​ലീ​സി​ന്റെ നി​ഷ്ക്രി​യ​ത്വം ആ​രോ​പി​ച്ച് ഒ​രാ​ൾ വാ​ട്ട​ർ ടാ​ങ്കി​ൽ ക​യ​റി​യെ​ന്ന വി​വ​ര​മ​റി​ഞ്ഞാ​ണ് പൊ​ലീ​സ് ഇ​ൻ​സ്പെ​ക്ട​റാ​യി​രു​ന്ന ഫൂ​ൽ മു​ഹ​മ്മ​ദ് സ്ഥ​ല​ത്തെ​ത്തി​യ​ത്.

ടാ​ങ്കി​ൽ ക​യ​റി​യ ആ​ൾ ചാ​ടി​യ​തി​നെ തു​ട​ർ​ന്ന് ജ​നം പൊ​ലീ​സി​നു​നേ​രെ ക​ല്ലേ​റു തു​ട​ങ്ങി. മു​ഹ​മ്മ​ദ് ജീ​പ്പി​ൽ ക​യ​റി ര​ക്ഷ​പ്പെ​ടാ​ൻ നോ​ക്കി​യെ​ങ്കി​ലും ക​ല്ലേ​റു​കൊ​ണ്ട് ബോ​ധ​ര​ഹി​ത​നാ​യി. ജ​നം ജീ​പ്പി​ന് തീ​യി​ട്ട​തി​നെ തു​ട​ർ​ന്ന് ഇ​യാ​ൾ വെ​ന്തു​മ​രി​ച്ചു.