കളിക്കുന്നതിനിടെ കുഴല്‍ക്കിണറില്‍ വീണ മൂന്നു വയസ്സുകാരിക്ക് ദാരുണാന്ത്യം

ഭോപാല്‍: കളിക്കുന്നതിനിടെ കുഴല്‍ക്കിണറില്‍ വീണ് മൂന്നു വയസ്സുകാരി മരിച്ചു. മധ്യപ്രദേശില്‍ ഉജ്ജയിന്‍ ജില്ലയിലെ ജോഗ്‌ഖേദി ഗ്രാമത്തിലാണ് സംഭവം.

കളിക്കുന്നതിനിടെ തുറന്നുവെച്ച കുഴല്‍ക്കിണറില്‍ വീഴുകയായിരുന്നെന്ന് ഭെറുഘര്‍ പൊലീസ് പറഞ്ഞു. 10-12 അടി താഴെ തങ്ങിനിന്ന പെണ്‍കുട്ടിയെ ഗ്രാമീണര്‍ തന്നെ ആശുപത്രിയിലെത്തിച്ചു. എന്നാല്‍, പെണ്‍കുട്ടി മരിച്ചിരുന്നു.

കുഴല്‍ക്കിണര്‍ ഉടമക്കെതിരെ നിയമനടപടി സ്വീകരിക്കുമെന്ന് പൊലീസ് അറിയിച്ചു.