കശ്​മീരിൽ ആറ്​ തീവ്രവാദികളെ സൈന്യം വധിച്ചു

ശ്രീനഗർ: ജമ്മുകശ്​മീരിലെ കുപ്​വാരയിൽ ആറ് തീവ്രവാദികളെ സൈന്യം വധിച്ചു. കെറാൻ സെക്​ടറിലുടെ നുഴഞ്ഞുകയറാൻ ശ്രമിച്ച തീവ്രവാദികളെയാണ്​ സൈന്യം വധിച്ചത്​. സംസ്ഥാന തലസ്ഥാനമായ ശ്രീനഗറിൽ നിന്ന്​ 94 കിലോമീറ്റർ അകലെയാണ്​ കുപ്​വാര സെക്​ടർ.

തീവ്രവാദി സാന്നിധ്യം കണ്ടെത്തിയതിനെ തുടർന്ന്​ സൈന്യം പ്രദേശത്തെ പരിശോധന കർശനമാക്കി. രണ്ട്​ ദിവസം മുമ്പാണ്​ അഭ്യന്തര മന്ത്രി രാജ്​നാഥ്​ സിങ്​ കുപ്​വാര ജില്ലയിൽ സന്ദർശനം നടത്തിയത്​. കശ്​മീർ മുഖ്യമന്ത്രി മെഹ്​ബൂബ മുഫ്​തി, കേന്ദ്രസഹമന്ത്രി ജിതേന്ത്ര സിങ്​ എന്നിവരും അദ്ദേഹത്തിനൊപ്പമുണ്ടായിരുന്നു.