പാക് പരിശീലനം നേടിയ മൂന്ന് ഭീകരരെ സേന വധിച്ചു

രജൗറി: പാകിസ്താൻ പരിശീലനം നേടിയ സായുധരായ മൂന്ന് ഭീകരരെ സൈന്യം വധിച്ചു. ജമ്മു കശ്മീരിലെ നൗഷാര സെക്ടറിലെ നിയന്ത്രണ രേഖയിലാണ് സംഭവം. 

നുഴഞ്ഞുകയറ്റം തടയുന്നതിന് മെയ് 28ന് ആരംഭിച്ച പരിശോധനയുടെ ഭാഗമായാണ് സൈന്യം നിയന്ത്രണ രേഖയിൽ തിരച്ചിൽ നടത്തിയത്. തിരച്ചിൽ പുരോഗമിക്കുന്നതായി സേന അറിയിച്ചു. 

സ്ഫോടക വസ്തുക്കൾ വാഹനത്തിൽ നിറച്ച് സ്ഫോടനം നടത്താനുള്ള ശ്രമം കഴിഞ്ഞ ദിവസം സൈന്യം തകർത്തിരുന്നു.