സെൻട്രൽ വിസ്​തയിലൂടെ പൊളിച്ചുമാറ്റുക രാജ്യത്തിന്‍റെ മൂന്ന്​ പൈതൃക കെട്ടിടങ്ങള​ും

ന്യൂഡൽഹി: പ്രധാനമന്ത്രി നരേന്ദ്ര​േമാദിയുടെ സ്വപ്​ന പദ്ധതിയായ സെൻട്രൽ വിസ്​തയിലൂടെ പൊളിച്ചുമാറ്റുന്നത്​ ഡൽഹിയിലെ മൂന്നു പൈതൃക കെട്ടിടങ്ങളും. നാഷനൽ മ്യൂസിയം, ഇന്ദിര ഗാന്ധി നാഷനൽ സെൻറർ ​േഫാർ ദ ആർട്​സ്​, നാഷനൽ ആർകൈവ്​സ്​ എന്നിവയാണ്​ പൊളിച്ചുമാറ്റുക.

ഇവക്കുപുറമെ ശാസ്​ത്രി ഭവൻ, കൃഷി ഭവൻ, വിജ്ഞാൻ ഭവൻ, ഉപരാഷ്​ട്രപതിയുടെ വസതി, ജവഹർ ഭവൻ, നിർമാൺ ഭവൻ, ഉദ്യോഗ്​ ഭവൻ, രക്ഷ ഭവൻ എന്നിവയും പൊളിക്കുന്ന ​െകട്ടിടങ്ങളിൽ ഉൾപ്പെടും. 4,58,820 ചതു​രശ്ര മീറ്റർ വിസ്​തീർണം വരുന്ന കെട്ടിടങ്ങളാണ്​ ആകെ ​െപാളിച്ചുമാറ്റുക

രാഷ്​ട്രീയ, സാംസ്​കാരിക ചരിത്രത്തിന്‍റെ ഭാഗമായ വിലമതിക്കാനാവാത്ത അമൂല്യവസ്​തുക്കൾ സൂക്ഷിച്ചിരിക്കുന്നതാണ്​ നാഷനൽ മ്യൂസിയം. അപൂർവ വിഗ്രഹങ്ങൾ, ശിൽപ്പങ്ങൾ, നാണയങ്ങൾ, പെയിന്‍റിങ്ങുകൾ, ആഭരണങ്ങൾ തുടങ്ങിയവയെല്ലാം ഇവിടെ സൂക്ഷിച്ചിരിക്കുന്നു. ഹാരപ്പയിലെ നൃത്തം​ ചെയ്യുന്ന പെൺകുട്ടി, നടരാജൻ, ബുദ്ധന്‍റെ അവശേഷിപ്പുകൾ, ഗഞ്ചിഫ കാർഡുകൾ, മരത്തിൽ കൊത്തിയ വാതിലുകൾ തുടങ്ങിയവയും ഇതിൽ ഉൾപ്പെടും. ഇവയെല്ലാം നോർത്ത്​ അല്ലെങ്കിൽ സൗത്ത്​ ബ്ലോക്കിലേക്ക്​ മാറ്റും.

നാഷനൽ ആർക്കൈവ്​സിന്‍റെ പ്രധാന കെട്ടിടം പൊളിക്കില്ല. എന്നാൽ മറ്റു കെട്ടിടങ്ങൾ പൊളിച്ച്​ പുതിയവ പണിയും. ആർകൈവ്​സിൽ 45ലക്ഷം ഫയലുകളാണ്​ സൂക്ഷിച്ചിരിക്കുന്നത്​. 25,000 അപൂർവ കൈയെഴുത്തുപ്രതികളും ഒരുലക്ഷത്തിലധികം മാപ്പുകളും 1.3 ലക്ഷം മുഗൾ രേഖകളും ഉൾപ്പെടും. ഈ രേഖകൾ മാറ്റി സ്​ഥാപിക്കുന്നതിലൂടെ നഷ്​ടപ്പെടാനോ തെറ്റായി ഉപയോഗിക്കാനോ സാധ്യതയു​െ​ണ്ടന്നാണ്​ വിദഗ്​ധരുടെ അഭിപ്രായം.

ഇന്ദിര ഗാന്ധി നാഷനൽ സെന്‍റർ ഫോർ ആർട്​സിൽ പൈതൃക ശകലങ്ങളും കൈയെഴുത്തുപ്രതികളും ​ൈലബ്രറിയും ഉൾപ്പെടും. ഇവയെല്ലാം താൽകാലികമായി ജൻപത്​ ഹോട്ടലിലേക്ക്​ മാറ്റും.

കേന്ദ്ര സർക്കാറിന്‍റെ സെൻട്രൽ വിസ്​ത പദ്ധതിക്കെതിരെ നിരവധി ചരിത്രകാരൻമാരും പണ്ഡിതരും ഗവേഷകരും രംഗത്തെത്തിയിരുന്നു. കെട്ടിടങ്ങൾ പൊളിച്ചുമാറ്റുന്നതിനെതിരെ 70ഓളം പ്രമുഖർ പ്രധാനമന്ത്രിക്ക്​ കത്തെഴുതുകയും ചെയ്​തിരുന്നു.

രാഷ്​ട്രപതി ഭവനിൽനിന്ന്​ ഇന്ത്യഗേറ്റ്​ വരെ രാജ്​പത്​ വിപുലപ്പെടുത്തി പുതിയ പാർലമെന്‍റ്​ മന്ദിരവും കേന്ദ്ര സെക്രട്ടറിയറ്റും ഉൾപ്പെടെയുള്ള കെട്ടിടങ്ങൾ നിർമിച്ച്​ ഭരണസിരാകേന്ദ്രം നവീകരിക്കുന്നതാണ്​ സെൻട്രൽ വിസ്​ത പദ്ധതി. നവീകരണത്തിൽ പ്രധാനമന്ത്രിയുടെ ഓഫിസും ഉൾപ്പെടും. ഏകദേശം 20,000 കോടി രൂപയാണ്​ പദ്ധതിയുടെ ചിലവ്​.