ഡൽഹിയിലെ റബ്ബർ ഫാക്​ടറിയിൽ തീപിടിത്തം; മൂന്ന്​ മരണം

ന്യൂഡൽഹി: ഡൽഹിയിലെ റബ്ബർ ഫാക്​ടറിയിലുണ്ടായ തീപിടിത്തത്തിൽ മൂന്ന്​ പേർ കൊല്ലപ്പെട്ടു. മരിച്ചവരിൽ രണ്ട്​ പേർ സ്​ത്രീകളാണ്​. ശനിയാഴ്​ച രാവിലെ ഒമ്പത്​ മണിയോടെയാണ്​​ വൻ തീപിടിത്തമുണ്ടായത്​.

ഡൽഹിയിലെ ജിമിൽ വ്യവസായ മേഖലയിൽ സ്ഥിതി ചെയ്യുന്ന ഹാർഡ്​വെയർ ഫാക്​ടറിയിലാണ്​ സംഭവം. നാല്​ നിലകളുള്ള കെട്ടിടത്തിലാണ്​ ഫാക്​ടറി സ്ഥിതി ചെയ്​തിരുന്നത്​. തീപിടിത്തത്തിൻെറ കാരണം വ്യക്​തമല്ല.

ഫാക്​ടറിക്കടുത്ത്​ നിരവധി റസിഡൻഷ്യൽ കെട്ടിടങ്ങളും സ്ഥിതി ചെയ്യുന്നുണ്ട്​. ഒട്ടും ആസൂത്രണമില്ലാതെയാണ്​ ഫാക്​ടറി കെട്ടിടം നിർമിച്ചിരിക്കുന്നതെന്ന്​ ആരോപണമുയർന്നിട്ടുണ്ട്​.