Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightജമ്മുകശ്​മീരിൽ 2 ജി...

ജമ്മുകശ്​മീരിൽ 2 ജി മൊബൈൽ ഇൻറർനെറ്റ് ബന്ധം നിയന്ത്രണങ്ങളോടെ പുനഃസ്ഥാപിക്കും

text_fields
bookmark_border
kashmir
cancel

ജമ്മുകശ്​മീർ: ജമ്മുകശ്​മീരിൽ ഇന്ന് മുതൽ ബ്രോഡ്‌ബാൻഡ്, മൊബൈൽ ഇൻറർനെറ്റ് ബന്ധം പുനഃസ്ഥാപിക്കാൻ സർക്കാർ തീരുമ ാനിച്ചു. നിയന്ത്രണങ്ങളോടെയാണ്​ മൊബൈൽ ഇൻറർനെറ്​ ബന്ധം പുനഃസ്ഥാപിക്കുക.

ഇൻറർനെറ്റ് ഉപയോഗം വൈറ്റ്‌ലിസ്റ്റ് ചെയ്‌ത വെബ്‌സൈറ്റുകളിൽ മാത്രമായി പരിമിതപ്പെടുത്തും. സമൂഹ മാധ്യമങ്ങൾ ഉപയോഗിക്കുന്നതിന്​ തടസ്സമില്ല. താരതമ്യേന വേഗത കുറഞ്ഞ 2 ജി സാങ്കേതികവിദ്യയിലുള്ള ഇൻറനെറ്റ്​ ബന്ധമാണ്​ മേഖലയിൽ അനുവദിക്കുക.

പോസ്റ്റ്പെയ്ഡ്​, പ്രീപെയ്ഡ് സിം കാർഡുകളിൽ ഡാറ്റാ സേവനങ്ങൾ ലഭ്യമാകുമെന്നും നിയന്ത്രണങ്ങളിൽ ഇളവ് വരുത്തുന്ന കാര്യം ജനുവരി 31ന് വീണ്ടും അവലോകനം ചെയ്യുമെന്നും​ വാർത്താ കുറിപ്പിൽ പറയുന്നു.

ജമ്മു കശ്മീരി​ന്​ പ്രത്യേക പദവി നൽകുന്ന ഭരണഘടനയിലെ ആർട്ടിക്കിൾ 370 റദ്ദാക്കുന്നതിനും രണ്ട് കേന്ദ്രഭരണ പ്രദേശങ്ങളായി വിഭജിക്കുന്നതിനുമുള്ള തീരുമാനത്തിനെതിരെയുള്ള പൊതുജന പ്രതിഷേധം തടയുന്നതിനായാണ്​ കേന്ദ്രം ഇൻറർനെറ്റ് വിച്ഛേദിച്ചത്​. ഇൻറർനെറ്റ്​ ബന്ധം വിച്ഛേദിച്ചിട്ട്​ ആറുമാസം കഴിഞ്ഞു.

Show Full Article
TAGS:jammu kashmir internet india news malayalam news 
News Summary - 2G Mobile Internet Services To Be Restored In Kashmir With Restrictions -india news
Next Story