Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightകർഷക സമരം: പഞ്ചാബിൽ 28...

കർഷക സമരം: പഞ്ചാബിൽ 28 ട്രെയിനുകൾ റദ്ദാക്കി

text_fields
bookmark_border
കർഷക സമരം: പഞ്ചാബിൽ 28 ട്രെയിനുകൾ റദ്ദാക്കി
cancel

ചണ്ഡിഗഢ്​​: കാർഷിക ബില്ലിനെതിരെയുള്ള കർഷക രോഷം അണ​െപാട്ടിയതോടെ പഞ്ചാബിൽ 28 പാസഞ്ചർ ട്രെയിനുകൾ റദ്ദാക്കി. ട്രെയിൻ തടഞ്ഞും ദേശീയ പാത ഉപരോധിച്ചും കർഷകർ സമരവുമായി മുന്നോട്ട്​ പോവുകയാണ്​. എന്നാൽ പുതുക്കിയ ഷെഡ്യൂൾ റെയിൽ‌വേ ഇതുവരെ പ്രഖ്യാപിച്ചിട്ടില്ല.

കോവിഡ്​ മഹാമാരി പടർന്നു പിടിക്കുന്നതിനിടയിലും റെയിൽ പാളങ്ങളിലും ദേശീയ പാതയിലും പ്രതിഷേധ സമരങ്ങൾ നടക്കുകയാണ്​. ആവശ്യം കേന്ദ്ര സർക്കാർ അംഗീകരിക്കും വരെ കാർഷിക ബില്ലിനെതിരായ സമരം ശക്തമാക്കുമെന്ന്​ കർഷകർ വ്യക്തമാക്കി. പ്രതിഷേധവുമായി ബന്ധപ്പെട്ട്​ ഒരു രാഷ്​ട്രീയ പാർട്ടിയേയും തങ്ങളോടൊപ്പം വേദി പങ്കിടാൻ അനുവദിക്കില്ലെന്നും കർഷകർ പറഞ്ഞു.

''പ്രധാനമന്ത്രി നരേന്ദ്ര മോദി ഈ ബില്ലുകൾ റദ്ദാക്കും. ഞങ്ങളെ സമരത്തിന്​ പ്രേരിപ്പിച്ചതിന് അദ്ദേഹം പ്രതിപക്ഷത്തെ കുറ്റപ്പെടുത്തുകയാണ്​. ഇത്​ ശരിയല്ല. ഞങ്ങൾ ഓർഡിനൻസ്(ഇപ്പോൾ ബില്ല്​)​ വായിച്ചതാണ്​. കോർപറേറ്റുകൾ പ്രധാനമനമന്ത്രിയെ ഈ മാറ്റങ്ങൾ കൊണ്ടുവരാൻ സമ്മർദ്ദത്തിലാക്കിയിരിക്കുകയാണ്​. ഞങ്ങൾക്ക്​ രാജ്യത്താകമാനമുള്ള കർഷകരിൽ നിന്ന്​ പിന്തുണ ലഭിച്ചുകൊണ്ടിരിക്കുകയാണ്​. ഞങ്ങളുടെ എണ്ണം വളരെ വലുതാണ്​. ഇത്​ ഒരു വലിയ ജനകീയ മുന്നേറ്റമാണ്​.'' -കിസാൻ മസ്​ദൂർ സംഘർഷ്​ സമിതി സംസ്ഥാന സെക്രട്ടറി സർവാൻ സിങ്​ പാന്ദെർ പറഞ്ഞു.

താങ്ങുവില സമ്പ്രദായം നഷ്​ടപ്പെടുമെന്നതും സ്വകാര്യ സംഘങ്ങളുടെ കടന്നുവരവുമാണ്​ കാർഷിക ബില്ലിൽ കർഷകർ ഭയക്കുന്ന പ്രധാന ഘടകങ്ങൾ. ചെറുകിട, ഇടത്തരം കർഷകരെ ബിൽ ദോഷകരമായി ബാധിക്കു​െമന്ന ആശങ്ക ഉയരുന്നുണ്ട്​. എന്നാൽ കർഷകർക്ക്​ അവരുടെ ഇഷ്​ടപ്രകാരമുള്ള വിലക്ക്​ ഉൽപന്നങ്ങൾ വിൽക്കാമെന്നും അതിനാൽ അവർക്ക്​ മികച്ച വില നേടുവാൻ ബില്ല്​ സഹായിക്കുമെന്നുമാണ്​ കേന്ദ്രസർക്കാറിൻെറ വാദം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:punjabAgriculture billFarm BillFarmers' ProtestTrains Suspended
Next Story