രാജസ്​ഥാനിൽ 27 ജില്ലകളിൽ പുതിയ കോവിഡ്​ കേസുകളില്ല; 24 മണിക്കൂറിനിടെ സംസ്​ഥാനത്ത്​ കോവിഡ്​ മരണവുമില്ല

ജയ്​പൂർ: രാജ്യം പതിയെ കോവിഡ്​ ഭീതിയിൽനിന്ന്​ കരകയറുന്നതിന്‍റെ ശുഭസൂചനയായി പല സംസ്​ഥാനങ്ങളിലും വൈറസ്​ ബാധിതരുടെ എണ്ണം കുത്തനെ കുറയു​േമ്പാൾ ഒരു പടി മുന്നിൽനടന്ന്​ രാജസ്​ഥാൻ. സംസ്​ഥാനത്തെ 33 ജില്ലകളിൽ 27ലും ഒരു പോസിറ്റീവ്​ കേസു പോലും കഴിഞ്ഞ 24 മണിക്കൂറിനിടെ റിപ്പോർട്ട്​ ചെയ്​തില്ല.

ഒരു ദിവസത്തെ കണക്കുകളിൽ മൊത്തം സംസ്​ഥാനത്ത്​ 17 പേർക്കാണ്​ കോവിഡ്​ സ്​ഥിരീകരിച്ചത്​. ഇതിൽ മൂന്നും തലസ്​ഥാനമായ ജയ്​പൂരിലാണ്​. ഒറ്റ മരണവുമില്ല. സികർ, സിരോഹി, കോട്ട, നഗൗർ തുടങ്ങിയ ജില്ലകളാണ്​ കോവിഡ്​ റിപ്പോർട്ട്​ ചെയ്യപ്പെടാത്തത്​.

രാജ്യത്ത്​ 43,509 കോവിഡ്​ കേസുകളാണ്​ 24 മണിക്കൂറിനിടെ റിപ്പോർട്ട്​ ചെയ്​തത്​. ഇതിൽ 22,064 കേസുകളും കേരളത്തിലാണ്​- പകുതിയിൽ കൂടുതൽ. രോഗം ബാധിച്ച്​ മരണപ്പെട്ടവർ കൂടുതൽ മഹാരാഷ്​ട്രയിലും- 286 പേർ.