Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപ്രതിദിന കോവിഡ്​...

പ്രതിദിന കോവിഡ്​ കേസുകളുടെ എണ്ണം രണ്ടര ലക്ഷം കടന്നു; 24 മണിക്കൂറിനിടെ 1501 മരണം

text_fields
bookmark_border
പ്രതിദിന കോവിഡ്​ കേസുകളുടെ എണ്ണം രണ്ടര ലക്ഷം കടന്നു; 24 മണിക്കൂറിനിടെ 1501 മരണം
cancel

ന്യൂഡൽഹി: രാജ്യത്ത്​ പ്രതിദിന കോവിഡ്​ കേസുകളുടെ എണ്ണം രണ്ടര ലക്ഷം കടന്നു. 24 മണിക്കൂറിനിടെ 2,61,500 പേർക്കാണ്​ രോഗബാധ സ്​ഥിരീകരിച്ചത്​. പ്രതിദിനം റിപ്പോർട്ട്​ ചെയ്യുന്ന ഏറ്റവും ഉയർന്ന രോഗബാധയാണ്​​.

24 മണിക്കൂറിനിടെ 1501 പേരാണ്​ കോവിഡ്​ ബാധിച്ച്​ മരിച്ചത്​. തുടർച്ചയായി നാലാം ദിവസമാണ് പ്രതിദിന​ കോവിഡ്​ കേസുകളുടെ എണ്ണം രണ്ടുലക്ഷം കടന്നത്​. രണ്ടാഴ്ചക്കിടെ 12 ലക്ഷം പേരാണ്​ രോഗബാധിതരായത്​. മഹാരാഷ്​ട്രയിലാണ് (419)​ ഏറ്റവും കൂടുതൽ പേർ രോഗം ബാധിച്ച്​ മരിച്ചത്​. ഡൽഹിയിൽ 167 പേർ മരിച്ചു.

രാജ്യത്ത്​ കോവിഡ്​ ബാധിച്ചവരുടെ എണ്ണം 1.47 കോടി ആയി ഉയർന്നു. 18,01,316 പേരാണ്​ നിലവിൽ ചികിത്സയിലുള്ളത്​. 1,28,09,643 രോഗമുക്തരായിട്ടുണ്ട്​. 1,77,150 പേരാണ്​ രാജ്യത്ത്​ ഇതുവരെ കോവിഡ്​ ബാധിച്ച്​ മരണത്തിന്​ കീഴടങ്ങിയത്​.

മഹാരാഷ്​ട്രയാണ്​​ ഏറ്റവും കൂടുതൽ കേസുകൾ റി​പ്പോർട്ട്​ ചെയ്​ത സംസ്​ഥാനം. 67,123 പേർക്കാണ്​ മഹാരാഷ്​ട്രയിൽ പുതുതായി രോഗം ബാധിച്ചത്​. 27,334 കേസുകളുമായി ഉത്തർപ്രദേശാണ്​ രോഗബാധ ഏറ്റവും രൂക്ഷമായി ബാധിച്ച രണ്ടാമത്തെ സംസ്​ഥാനം. ഡൽഹി (24,375), കർണാടക (17,489), ഛത്തീസ്​ഗഢ്​ (16083) എന്നീ സംസ്​ഥാനങ്ങളിലെയും നില അതീവ ഗുരുതരമാണ്​.

രാജ്യത്ത്​ ഇതുവരെ 12,26,22,590 പേരെ വാക്​സിനേഷന്​ വിധേയമാക്കി.

Show Full Article
TAGS:covid india covid19 covid death 
News Summary - 2,61,500 fresh Covid infections, 1,501 deaths, India sees biggest-ever single-day spike
Next Story