Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഫേസ്​ബുക്ക്​...

ഫേസ്​ബുക്ക്​ സുഹൃത്തിനെ വിവാഹം കഴിക്കാൻ യുവാവ്​ മാതാപിതാക്കളെ കൊന്നു

text_fields
bookmark_border
ഫേസ്​ബുക്ക്​ സുഹൃത്തിനെ വിവാഹം കഴിക്കാൻ യുവാവ്​ മാതാപിതാക്കളെ കൊന്നു
cancel

ന്യൂഡൽഹി: ഫേസ്​ബുക്ക്​ സുഹൃത്തായ കാൺപൂർ സ്വദേശിനിയെ വിവാഹം കഴിക്കാൻ വേണ്ടി മകൻ മാതാപിതാക്കളെ കൊന്നു. ഡൽഹിയിലെ ജാമിയ നഗർ സ്വദേശി അബ്​ദുൽ റഹ്​മാൻ(26)ആണ് മാതാപിതാക്കളെ ശ്വാസം മുട്ടിച്ച്​ കൊന്നത്​. ​തസ്​ലിം ബാനോ(50), ഷമിം അഹമദ്​(55) എന്നിവരാണ്​ മരിച്ചത്​.

മാതാപിതാക്കളുടെ ഏക മകനാണ്​ അബ്​ദുൽ റഹ്​മാൻ.  കാൺപൂരിൽ വെച്ച്​ പരിചയപ്പെട്ട്​ പ്രണയത്തിലായ  യുവതിയെ വിവാഹം കഴിക്കാൻ ഇയാൾ താത്​പര്യപ്പെട്ടിരുന്നു. ഫേസ്​ബുക്ക്​ വഴി പ്രണയം തുടരുകയും ചെയ്​തു. എന്നാൽ ഇൗ വിവാഹത്തിന്​ മാതാപിതാക്കൾ എതിർപ്പ്​ പ്രകടിപ്പിച്ചതാണ് കൊലപാതകത്തിലേക്ക്​ നയിച്ചത്​.​ സ്വത്തുക്കൾ കൈവശപ്പെടുത്തുകയും ഇയാളുടെ ലക്ഷ്യമായിരുന്നുവെന്ന്​ പൊലീസ്​ പറയുന്നു. 

അബ്​ദുൽ റഹ്​മാ​​​െൻറ ആദ്യ വിവാഹം വിവാഹ മോചനത്തിൽ കലാശിക്കുകയായിരുന്നു. ഇതിനു ശേഷമാണ്​ കാൺപൂർ സ്വദേശിനിയെ പരിചയപ്പെടുന്നത്​. എന്നാൽ വീട്ടുകാരുടെ നിർബന്ധത്തിനു വഴങ്ങി ഇയാൾ മറ്റൊരു യുവതിയെ വിവാഹം കഴിച്ചുവെങ്കിലും ത​​​െൻറ വിവാഹേതര ബന്ധം തുടർന്നു. ഫേസ്​ബുക്ക്​ സുഹൃത്തിനെ ഇയാൾ പതിവായി സന്ദർശിക്കുകയും വിവാഹം കഴിച്ചുകൊള്ളാമെന്ന്​ വാക്കു നൽകുകയും ചെയ്​തിരുന്നു​വെന്നും പൊലീസ്​ പറഞ്ഞു.

 നദീം ഖാൻ, ഗുഡ്ഡു എന്നീ രണ്ട്​ പരിചയക്കാരുടെ സഹായത്തോടെയാണ് ഇയാൾ കൃത്യം നിർവഹിച്ചത്​. രണ്ടര ലക്ഷം രൂപയാണ്​ അവർക്ക്​ വാഗ്​ദാനം ചെയ്​തത്​. നദീമും ഗുഡ്ഡുവും  മാതാപിതാക്കളെ പിടിച്ചു വെക്കുകയും അബ്​ദുൽ റഹ്​മാൻ ഇരുവരേയു​ം ശ്വാസം മുട്ടിച്ച്​ കൊല്ലുകയുമായിരുന്നുവെന്നും പൊലീസ്​ പറഞ്ഞു. 

ഏപ്രിൽ 28നാണ്​ ഇരുവരുടേയും മൃതദേഹം വീടി​​​െൻറ ഒന്നാം നിലയിൽനിന്ന്​ ക​ണ്ടെടുത്തത്​. സംഭവവുമായി ബന്ധപ്പെട്ട്​ മൂന്നുപേ​രേയും പൊലീസ്​ അറസ്​റ്റു ചെയ്​തു. ചോദ്യം ചെയ്യലിൽ അബ്​ദുൽ റഹ്​മാൻ കുറ്റം സമ്മതിച്ചിട്ടുണ്ടെന്ന്​ പൊലീസ്​ അറിയിച്ചു.

Show Full Article
TAGS:kills parents Marry Facebook Friend india news malayalam news 
News Summary - 26-year-old Delhi Man Kills Parents to Marry Facebook Friend
Next Story