ഉത്തർപ്രദേശിലെ ഗാസിയാബാദിൽ ഡെങ്കിപ്പനി ബാധിച്ചവരുടെ എണ്ണം 800 കടന്നു

ഗാസിയാബാദ്: ഉത്തർപ്രദേശിലെ ഗാസിയാബാദിൽ ഡെങ്കിപ്പനി ബാധിച്ചവരുടെ എണ്ണം 800 കടന്നു. ഇതുവരെ 859 കേസുകളാണ് സംസ്ഥാനത്ത് റിപ്പോർട്ട് ചെയ്തിട്ടുള്ളത്.

ഗാസിയാബാദിൽ 26 പുതിയ കേസുകൾ കൂടി റിപ്പോർട്ട് ചെയ്തതോടെ ഒരു മാസത്തിനിടെ ആകെ രോഗ ബാധിതരായവരുടെ എണ്ണം 547 ആയി. നിലവിൽ 108 പേർ ചികിത്സയിലാണ്. ഇതിൽ 56 പേരെ സർക്കാർ ആശുപത്രികളാണ് പ്രവേശിപ്പിച്ചിട്ടുള്ളത്.

കുട്ടികളിൽ രോഗബാധയുണ്ടാകാൻ സാധ്യതയുള്ളതിനാൽ ജാഗ്രത പാലിക്കണമെന്ന് ഗാസിയാബാദ് ചീഫ് മെഡിക്കൽ ഓഫീസർ അറിയിച്ചു.