യു.പിയിൽ ഗായിക വെടിയേറ്റ്​ മരിച്ചു

ലഖ്​നോ: ഉത്തർപ്രദേശി​ലെ ഗ്രേറ്റർ നോയിഡയിൽ ഗായിക വെടിയേറ്റ്​ മരിച്ചു. സുഷമ(25) ആണ്​ ബൈക്കിലെത്തിയ അജ്ഞാതരുടെ വെടിയേറ്റ്​ മരിച്ചത്​. പരിക്കുകളോടെ കെലേഷ്​ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

ഭർത്താവിൽ നിന്ന്​ വിവാഹ മോചനം നേടിയ സുഷമ ഇപ്പോൾ മറ്റൊരാളോടൊപ്പമാണ്​ താമസമെന്ന്​ പൊലീസ്​ പറഞ്ഞു. മുമ്പും സുഷമ​ക്ക്​ നേരെ ആക്രമണങ്ങളുണ്ടായിട്ടുണ്ടെന്ന്​ സീനിയർ പൊലീസ്​ സുപ്രണ്ട്​ വൈഭവ്​ കൃഷ്​ണ പറഞ്ഞു. ബുലന്ദ്​ശഹറിലെ മെഹ്​സാന ഗ്രാമത്തിലെ പരിപാടിക്കിടെയായിരുന്നു മുമ്പുണ്ടായ ആക്രമണം. ലോക്കൽ പൊലീസ്​ ഇതിൽ കേസ്​ രജിസ്​റ്റർ ചെയ്​തിട്ടുണ്ടെന്നും അദ്ദേഹം വ്യക്​തമാക്കി.