ഹൈദരാബാദിലെ അപാർട്​മെന്‍റിൽ 25 പേർക്ക്​ കോവിഡ്​

ഹൈദരാബാദ്​: തെലങ്കാനയുടെ തലസ്​ഥാനമായ ഹൈദരാബാദിൽ മഡന്നപെറ്റ്​ മേഖലയിലെ ഒരു അപാർട്​മ​െൻറിലെ 25 പേർക്ക്​ കോവിഡ്​ സ്​ഥിരീകരിച്ചു. എല്ലാവരെയും ആശുപത്രിയിൽ പ്രവേശിപ്പിച്ചതായും ഇവരുമായി സമ്പർക്കം പുലർത്തിയവരുമായി ബന്ധപ്പെട്ടതായും ഗ്രേറ്റർ ഹൈദരാബാദ്​ മുനിസിപ്പൽ കോർപറേഷൻ സോണൽ കമീഷണർ അശോക്​ സമ്രാട്ട്​ പറഞ്ഞു.

‘‘അസുഖബാധിതരിൽ ഒരാൾ കോവിഡ്​ രോഗിയുമായി നേരിട്ട്​ സമ്പർക്കം പുലർത്തിയിരുന്നു. ദിവസങ്ങൾക്കു മുമ്പ്​ ഈ അപാർട്​മ​െൻറിൽ കുറച്ചാളുകൾ ചേർന്ന്​ ജൻമദിനാഘോഷ പരിപാടി സംഘടിപ്പിച്ചതായും സമ്രാട്ട്​ സൂചിപ്പിച്ചു. പരിപാടിയിൽ പ​ങ്കെടുത്തവർക്കാണോ കോവിഡ്​ പടർന്നതെന്നത്​ സ്​ഥിരീകരിച്ചിട്ടില്ല. 

കേന്ദ്ര ആരോഗ്യ മന്ത്രാലയം പുറത്തുവിട്ട കണക്കുപ്രകാരം തെലങ്കാനയിൽ 1454 പേർക്ക്​ കോവിഡ്​ സ്​ഥിരീകരിച്ചു. 959 പേർ രോഗമുക്​തി നേടുകയും 34 പേർ മരിക്കുകയും ചെയ്​തു.