25-30 അടി നീളമുള്ള പാമ്പ് റോഡ് മുറിച്ചുകടക്കുന്നത് കാണണോ

ഏകദേശം 25-30 അടി നീളമുള്ള ഒരു പാമ്പ് സാവധാനം റോഡ് മുറിച്ചുകടക്കുന്നതാണ് ഇപ്പോൾ സമൂഹ മാധ്യമങ്ങളിൽ വൈറലായി പടർന്നു​കൊണ്ടിരിക്കുന്നത്. ഒഡീഷയിലെ നബരംഗ്പൂർ ജില്ലയിലെ റോഡിലാണ് ഭീമാകാരമായ പാമ്പിനെ കണ്ടത്. പാമ്പിന് ഏകദേശം 25-30 അടി നീളമുണ്ടാകുമെന്നാണ് കണക്കാക്കുന്നത്.

വെള്ളിയാഴ്ച രാത്രി ഖത്തിഗുഡ ജവഹർ നവോദയ വിദ്യാലയത്തിന് സമീപത്തെ പ്രധാന റോഡ് മുറിച്ചുകടക്കുന്നതിനിടെയാണ് പാമ്പിനെ നാട്ടുകാർ കണ്ടത്. പാമ്പ് വഴിയാകെ മൂടിയെന്നാണ് വിവരം. സംഭവം പരിസരവാസികളെ ഭീതിയിലാഴ്ത്തിയിരിക്കുകയാണ്.