Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightനിസാമുദ്ദീൻ തബ്​ലീഗ്...

നിസാമുദ്ദീൻ തബ്​ലീഗ് സമ്മേളനത്തിന്​ പോയ പത്തനംതിട്ട സ്വദേശി മരിച്ചു

text_fields
bookmark_border
നിസാമുദ്ദീൻ തബ്​ലീഗ് സമ്മേളനത്തിന്​ പോയ പത്തനംതിട്ട സ്വദേശി മരിച്ചു
cancel

ന്യൂഡൽഹി: നിസാമുദ്ദീനിൽ നടന്ന തബ്​ലീഗ്​ സമ്മേളനത്തിൽ പ​ങ്കെടുക്കാനായി പോയ പത്തനംതിട്ട സ്വദേശി മരിച്ചു. തബ് ​ലീഗ്​ ജമാഅത്ത്​ പത്തനംതിട്ട അമീർ ഡോ. എം. സലീം ആണ്​ മരിച്ചത്​. ചൊവ്വാ​ഴ്​ച​ രാവിലെ ഡൽഹിയിൽ വെച്ചായിരുന്നു അന്ത്യം. ഹൃദ്രോഗം മൂലമാണ്​ മരണമെന്നാണ്​ വിവരം. മരിച്ച സലീം നേരത്തേ തന്നെ ഹൃദ്രോഗത്തിന്​ ചികിത്സയിലായിരുന്നു. ഹൃദയസംബന്ധമായ ശസ്​ത്രക്രിയക്കും വിധേയനായിരുന്നു.

ഇയാൾക്കൊപ്പം സമ്മേളനത്തിന്​ പോയ രണ്ട്​ പേരെ നിരീക്ഷണത്തിലാക്കിയിട്ടുണ്ട്​. എന്നാൽ, സലീമും ഒപ്പമുള്ളവരും സമ്മേളനത്തിൽ പ​ങ്കെടുത്തിരുന്നില്ലെന്ന വിവരമാണ്​ പുറത്തു വരുന്നത്​. മാർച്ച്​ ഒമ്പതിന്​ ഡൽഹിയിലെത്തിയ ഇവർ അലിഗഢിൽ താമസിച്ച ശേഷം 22നാണ്​ സമ്മേളനം നടന്ന നിസാമുദ്ദീനിലെ പള്ളിയിലെത്തിയതെന്നും പറയപ്പെട​ുന്നു. ഡോ. എം. സലീമിന്​ കോവിഡ്​ 19 ബാധയുണ്ടായിരുന്നോ എന്ന കാര്യത്തിൽ സ്ഥിരീകരണം വന്നിട്ടില്ല. മാർച്ച്​ ആദ്യവാരം നിസാമുദ്ദീൻ സന്ദർശിച്ച്​ മടങ്ങിയ ആറ്​ പേർ പത്തനംതിട്ടയിൽ നിരീക്ഷണത്തിലാണ്​.

നിസാമുദ്ദീന്‍ മര്‍കസ് എന്നറിയപ്പെടുന്ന ‘ആലമി മര്‍കസി ബംഗ്ളെവാലി’ മസ്ജിദില്‍ തബ്​ലീഗ്​ സമ്മേളനത്തിൽ ​പ​ങ്കെടുത്ത 24 പേർക്ക്​ കോവിഡ്​19 സ്ഥിരീകരിച്ചിട്ടുണ്ട്​. സംഗമത്തില്‍ പങ്കെടുത്ത ആറ്​ തെലങ്കാന സ്വദേശികളും ഒരു തമിഴ്നാട്ടുകാരനും കശ്മീർ സ്വദേശിയും കോവിഡ്​ ബാധിച്ച്​ മരിച്ചിരുന്നു.

മാർച്ച്​ 13 മുതൽ 15 വരെയാണ്​ ഇവിടെ പ്രാർഥന ചടങ്ങ്​ നടന്നത്​. ഈ പരിപാടിയിൽ പ​ങ്കെടുത്തവരോടെല്ലാം വിവിധ സംസ്​ഥാനങ്ങളിലെ ആരോഗ്യ വകുപ്പ്​ അധികൃതരുമായി ബന്ധപ്പെടാൻ നിർദേശം നൽകിയിട്ടുണ്ട്​. പള്ളി അധികൃതർക്കെതിരെ കേസെടുക്കുമെന്ന്​ ഡൽഹി സർക്കാർ അറിയിച്ചു.

മര്‍കസി​​​​​​െൻറ പരിസരത്തുള്ള 200ാളം പേരെ കൊറോണ വൈറസ് ബാധയുടെ ലക്ഷണങ്ങളെ തുടര്‍ന്ന് ഡല്‍ഹിയിലെ വിവിധ ആശുപത്രികളില്‍ പ്രവേശിപ്പിച്ചിരിക്കുകയാണ്​.

Show Full Article
TAGS:Nizamuddin covid 19 
News Summary - 24 people who were present Nizamuddin have tested covid positive -india news
Next Story