കോ​വി​ഡ്​ വാ​ക്​​സി​ൻ കുത്തിവെപ്പിന്​ 24 മണിക്കൂറും സൗകര്യം

ന്യൂ​ഡ​ൽ​ഹി: 24 മ​ണി​ക്കൂ​റും ​കോ​വി​ഡ്​ വാ​ക്​​സി​ൻ എ​ടു​ക്കാ​ൻ സൗ​ക​ര്യ​മൊ​രു​ക്കി​യ​താ​യി കേ​ന്ദ്ര ആ​​രോ​ഗ്യ​മ​ന്ത്രി ഡോ. ​ഹ​ർ​ഷ​വ​ർ​ധ​ൻ. നി​ശ്ചി​ത സ​മ​യ​ത്തു മാ​ത്രം വാ​ക്സി​ൻ ന​ൽ​കു​ന്ന രീ​തി തു​ട​ര​രു​തെ​ന്നാ​ണ്​ സ​ർ​ക്കാ​ർ തീ​രു​മാ​നം. ഏ​തു സ​മ​യ​ത്തും വാ​ക്സി​ൻ എ​ടു​ക്കാ​ൻ ജ​ന​ത്തി​ന് സാ​ധി​ക്ക​ണം. ആ​ശു​പ​ത്രി​ക​ൾ​ക്കു വാ​ക്സി​നേ​ഷ​ന്‍ സ​മ​യം നീ​ട്ടാം.

കോ​വി​ൻ ആ​പ്പു​മാ​യി സ​ർ‌​ക്കാ​ർ, സ്വ​കാ​ര്യ ആ​ശു​പ​ത്രി​ക​ളെ ബ​ന്ധി​പ്പി​ക്കും. ച​ട്ട​ങ്ങ​ൾ പാ​ലി​ക്കാ​ൻ ത​യാ​റു​ള്ള സ്വ​കാ​ര്യ ആ​ശു​പ​ത്രി​ക​ൾ‌​ക്ക്​ വാ​ക്സി​നേ​ഷ​ൻ ന​ട​പ​ടി​ക​ളു​ടെ ഭാ​ഗ​മാ​കാം. ശീ​തീ​ക​ര​ണ സം​വി​ധാ​ന​വും പാ​ര്‍ശ്വ​ഫ​ല​ങ്ങ​ള്‍ ഉ​ണ്ടാ​യാ​ല്‍ അ​ടി​യ​ന്ത​ര ചി​കി​ത്സ ന​ല്‍കാ​നു​ള്ള സം​വി​ധാ​ന​ങ്ങ​ളും നി​ർ​ബ​ന്ധ​മാ​യും വേ​ണം- ആ​രോ​ഗ്യ​മ​ന്ത്രാ​ല​യം വ്യ​ക്​​ത​മാ​ക്കി. 60 വ​യ​സ്സി​നു മു​ക​ളി​ലു​ള്ള​വ​ർ​ക്ക്​ കോ​വി​ഡ്​ വാ​ക്​​സി​ൽ ന​ൽ​കി​ത്തു​ട​ങ്ങി​യ​തോ​ടെ, 75കാ​ര​നാ​യ രാ​ഷ്​​ട്ര​പ​തി രാം​നാ​ഥ്​ കോ​വി​ന്ദ്​ അ​ട​ക്ക​മു​ള്ള പ്ര​മു​ഖ​ർ ആ​ദ്യ​ഘ​ട്ട പ്ര​തി​രോ​ധ കു​ത്തി​വെ​​പ്പെ​ടു​ത്തു. ആ​ർ​മി ഹോ​സ്​​പി​റ്റ​ലി​ലാ​ണ്​ ​അ​ദ്ദേ​ഹം കു​ത്തി​വെ​പ്പെ​ടു​ത്ത​ത്.

അ​തി​നി​ടെ, രാ​ജ്യ​ത്തെ 86 ശ​ത​മാ​നം രോ​ഗി​ക​ളും കേ​ര​ളം, മ​ഹാ​രാ​ഷ്​​ട്ര, പ​ഞ്ചാ​ബ്, ത​മി​ഴ്​​നാ​ട്, ക​ർ​ണാ​ട​ക, ഗു​ജ​റാ​ത്ത്​ സം​സ്​​ഥാ​ന​ങ്ങ​ളി​ലാ​ണ്. ​പു​തി​യ​താ​യി 15,000 പേ​ർ​ക്കു​കൂ​ടി കോ​വി​ഡ്​ സ്​​ഥി​രീ​ക​രി​ച്ചു. മ​ഹാ​രാ​ഷ്​​ട്ര​യി​ലാ​ണ്​ കൂ​ടു​ത​ൽ രോ​ഗി​ക​ൾ- 7863. ര​ണ്ടാം സ്​​ഥാ​ന​ത്തു​ള്ള കേ​ര​ള​ത്തി​ൽ 2938 പേ​ർ​ക്കാ​ണ്​ രോ​ഗം സ്​​ഥി​രീ​ക​രി​ച്ച​ത്. 98 പേ​രാ​ണ്​ 24 മ​ണി​ക്കൂ​റി​നു​ള്ളി​ൽ മ​രി​ച്ച​ത്.

മാ​ർ​ച്ച്​ ര​ണ്ടി​ന്​ 7.85 ല​ക്ഷം സാ​മ്പി​ളു​ക​ളാ​ണ്​ പ​രി​ശോ​ധി​ച്ച​ത്. രാ​ജ്യ​ത്തെ​ കോ​വി​ഡ്​ രോ​ഗി​ക​ളു​ടെ എ​ണ്ണം 1.7 ല​ക്ഷ​മാ​ണ്. ആ​കെ രോ​ഗ​ബാ​ധി​ത​രു​ടെ എ​ണ്ണം 1.11 കോ​ടി പി​ന്നി​ട്ടു. ആ​കെ രോ​ഗ​ബാ​ധി​ത​രി​ൽ 1.53 ശ​ത​മാ​ന​മാ​ണ്​ നി​ല​വി​ൽ ചി​കി​ത്സ​യി​ലു​ള്ള​ത്.