കശ്​മീരിലെ പൂഞ്ചിൽ ബസ്​ മറിഞ്ഞ്​ 23 മരണം

ശ്രീനഗർ: കശ്​മീരിലെ പൂഞ്ച്​ ജില്ലയിൽ ബസ്​ മലയിടുക്കിലേക്ക്​ മറിഞ്ഞ്​ 23 പേർ മരിച്ചു. പൂഞ്ചിൽ നിന്ന്​ ലോറാനില േക്ക്​ പോയ ബസാണ്​ അപകടത്തിൽപ്പെട്ടത്​. മൻഡി എരിയയിലാണ്​ സംഭവം​. രക്ഷാപ്രവർത്തനം ഇപ്പോഴും തുടരന്നതായി റിപ്പോർട്ട്​​.

അപകടത്തിൽ പരിക്കേറ്റവരെ ചികിൽസക്കായി ജില്ല ആശുപത്രിയിൽ പ്രവേശിപ്പിച്ചിട്ടുണ്ട്​. JK02W04 എന്ന രജിസ്​ട്രേഷൻ നമ്പറിലുള്ള ബസാണ്​ അപകടത്തിൽപ്പെട്ടതെന്ന്​ പ്രാദേശിക മാധ്യമങ്ങൾ റിപ്പോർട്ട്​ ചെയ്​തു.

വെള്ളിയാഴ്​ച കശ്​മീരിലെ കിഷ്​താവാർ ജില്ലയിലുണ്ടായ റോഡ്​ അപകടത്തിൽ രണ്ട്​ പേർ കൊല്ലപ്പെട്ടിരുന്നു. ഷാലിമാർ മേഖലയിലായിരുന്നു അപകടമുണ്ടായത്​.