Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightജപ്പാനിൽ നിന്ന്​...

ജപ്പാനിൽ നിന്ന്​ തിരിച്ച്​ വരാൻ വഴി തേടി 220 ഇന്ത്യക്കാർ

text_fields
bookmark_border
ജപ്പാനിൽ നിന്ന്​ തിരിച്ച്​ വരാൻ വഴി തേടി 220 ഇന്ത്യക്കാർ
cancel

ടോക്കിയോ: കോവിഡ്​ ഭീതിയിൽ ഇന്ത്യ ലോക്​ഡൗണിലേക്ക്​ നീങ്ങിയപ്പോൾ ജപ്പാനിൽ കുടുങ്ങിപോയ 220 ഇന്ത്യക്കാർ നാ ട്ടിലേക്ക്​ മടങ്ങാനുള്ള വഴി തേടുന്നു. നാട്ടിലെത്തിക്കാൻ സർക്കാർ ഇട​പെടണമെന്നാവശ്യപ്പെട്ട്​ ഇവർ ടോക്കിയോയ ിലെ ഇന്ത്യൻ എംബസിയിലെത്തി. നാട്ടിലെത്തിച്ചാൽ അധികൃതരുടെ മുഴുവൻ നിർദേശങ്ങൾ അനുസരിക്കാനും ആവശ്യമായത്ര കാലയളവ ്​ ക്വാറൻറീനിൽ തുടരാനും ഒരുക്കമാണെന്ന്​ അറിയിച്ച്​ ഇവർ എംബസിയിൽ കത്തും നൽകി.

മടങ്ങാൻ ആഗ്രഹിക്കുന്നവരിൽ പഠനം പൂർത്തിയാക്കിയ വിദ്യർഥികളും ഗർഭിണികളും താൽകാലിക സന്ദർശനത്തിനായി ജപ്പാനിലേക്ക്​ പോയവരുമൊക്കെ ഉണ്ട്​. കയ്യിൽ കരുതിയ പണം തീരുന്നതും രോഗ വ്യാപന ഭീതിയുമെല്ലാം ആശങ്ക വർധിപ്പിച്ചതാണ്​ ഇ​ത്രയും പേർ സഹായം തേടി എംബസിയിൽ എത്താൻ കാരണം.

മാർച്ച്​ മാസത്തിൽ നാല്​ ദിവസത്തെ ഒൗദ്യോഗിക യാത്രക്കായി ജപ്പാനിലേക്ക്​ പോയ ഗർഭിണിയായ 28കാരിയും ജപ്പാനിൽ കുടുങ്ങിയവരുടെ കൂട്ടത്തിലുണ്ട്​. ഇവർ അഹമ്മദാബാദ്​ സ്വദേശിനിയാണ്. മുന്നറിയിപ്പുകളില്ലാതെയാണ്​ ഇന്ത്യയിൽ ലോക്​ഡൗൺ പ്രഖ്യാപിച്ചതും വിമാനവിലക്ക്​ അടക്കം ഏർപ്പെടുത്തിയതും. ഇതാണ്​ പലരും വിദേശരാജ്യങ്ങളിൽ അടക്കം കുടുങ്ങുന്നതിന്​ കാരണമായത്​.

കോവിഡ്​ വ്യാപനം തടയുന്നതിന്​ ജപ്പാനിൽ അടിയന്തരാവസ്​ഥ പ്രഖ്യാപിച്ചിട്ടുണ്ടെങ്കിലും പൊതുഗതാതഗതം അടക്കം പ്രവർത്തിക്കുന്നുണ്ട്​. ജപ്പാനിൽ നിയന്ത്രണങ്ങൾ കർശനമല്ലാത്തതിനാൽ രോഗം പിടി​കൂടുമോ എന്ന്​ ഭയക്കുന്നവരാണ്​ എംബസിയിൽ സഹായം ചോദി​ച്ചെത്തിയവർ.

Show Full Article
TAGS:covid 19 Coronavirus corona outbreak japan indians stranded india news malayalam news 
News Summary - 220 Indians stranded in Japan
Next Story